16ª Semana Tempu Komun: Segunda-feira, loron 24, fulan Jullu, 2023 July 24, 2023
Reflection on the WORD
Maluk sira mak Kristu hadomi,
Hakribi salan - Fiar: Iha Evangelho ohin, Jesus dehan ba ema eskriba no Farizeu sira atu hakribi salan ho laran mós. Sinal sira ne’ebé Eskriba no Farizeu sira husu ba Jesus la hatudu katak sira iha dezeiju ne’ebé mós atu hakribi salan. Reflete; ita loke-an no ho laran mós iha ita nia intensaun sira atu hakribi salan no moris tuir Maromak Nia hakarak? Ka ita la prontu atu husik Maromak horik iha ita nia moris?
Pe. Philip Heng, S.J.
Mt 12:38-42
Sinal Jonas nian
38Iha oras ne’e eskriba no fariseu balun dehan ba Nia: “Mestre, ami hakarak hare sinal ida housi Ita.” 39Nia hatan ba sira: “Ema laran aat no sala foer na’in husu sinal ida; maibe sei la fo sinal ida ba nia; sei fo deit sinal profeta Jonas nian. 40Hanesan Jonas hela iha ikan boot nia kabun laran ba loron tolu no kalan tolu, nune’e mos Oan Mane sei hela iha rai laran ba loron tolu no kalan tolu. 41Iha loron justisa nian, ema Ninive sira sei hamriik hasouru derasaun ne’e hodi tesi lia todan ba nia, basa sira halo penitensia wainhira sira rona Jonas nia liafuan; maibe iha ne’e iha Ida nebe boot liu fali Jonas. 42Iha loron justisa nian, liurai feto reinu tasi mane nian sei hamriik hasouru derasaun ne’e hodi tesi lia todan ba nia, basa nia mai housi rai ikun atu rona Salomao nia matenek; maibe iha ne’e iha Ida nebe boot liu fali Salomao!”
Today's Pointers on God's Word
As you read the passage what words, phases or meanings caught your attention?
- · Ema Niniveh rekoñese Maromak Nia haksi’ak (xamada) wainhira profeta Jonas hateten ba sira no sira hakribi salan. Ema Farizeu sira rejeita atu simu milagre sira no sinal sira ne’ebé Jesus halo basá sira parsial iha sira nia fiar nune’e sira rejeita Jesus no lakoi halo mudansa ba sira nia-an.
- · Xamada maka’as ne’ebé Jesus fó ba Nia jerasaun sira aplika mós ba ema ne’ebé profesa atu simu Jesus nu’udar Maksoin no Na’i Maromak maibé kontinua estilu de vida ne’ebé hatuur valores sekular nian iha sentru duké valores Evangelho nian.
- · Reza no husu ba Maromak grasa atu ita bele neon na’in, loke-an ba Espíritu Santu no grasa atu ita fiel ba Kristu Nia hanorin sira iha ita nia moris.