16ª Semana Tempu Komun: Domingo, loron 23, fulan Jullu, 2023 July 23, 2023
Reflection on the WORD
Maluk sira mak Kristu hadomi,
Disernimentu-Moris: Iha Evangelho ohin, Jesus fó hanoin ema lubun boot sira atu diserne Maromak Nia hakarak iha tempu hotu-hotu. Reflete; “Wainhira iha ita nia kanek, hirus, senti sala, ta’uk, mo’e, no seluk-seluk tan, ita hatudu reasaun emosional, ita la diserne Maromak Nia hakarak. Nune’e Jesus konvida ita atu reflete no hein naroman, dame no konsolasaun hosi Maromak atu revela mai ita Maromak Nia hakarak molok ita halo desizaun.
Pe. Philip Heng, S.J.
Mt 13:24-30
Aiknanoik du’ut aat nian
24Nia dehan tan aiknanoik ida ba sira: “Reinu lalehan nian hanesan ema ida nebe kuda fini diak iha nia to’os; 25maibe wainhira nia emar sira toba dau-daun, nia funubalun mai kuda du’ut aat iha trigu le’et, hafoin nia ba tiha. 26Wainhira trigu sai boot tiha hodi fo fuan, du’ut aat mos mosu. 27To’os na’in nia atan sira mai buka nia hodi dehan ba nia: ‘Na’i, ita boot la kuda fini diak iha ita nia to’os? Du’ut aat mai housi nebe?’ 28Nia hatan: ‘Ha’u nia funubalun ruma mak halo buat ne’e.’ Atan sira dehan ba nia: ‘Ita boot hakarak ami ba fokit tiha nia?’ 29 ‘Lae,’ nia dehan, ‘keta halo be hodi fokit du’ut aat, imi fokit mos trigu. 30Husik sira rua moris hamutuk ba; loron ko’a hare nian to’o mai mak ha’u sei dehan ba to’os atan sira: ‘Hili uluk du’ut aat ba hodi futu hamutuk atu sunu; trigu fali, halot tiha iha ha’u nia hoka.”
Today's Pointers on God's Word
As you read the passage what words, phases or meanings caught your attention?
- · Iha aiknanoik ohin, Jesus dehan fini mak Maromak Nia Lia-Fuan no du’ut fuik sira mak salan no buat aat iha mundu ne’ebé hale’u ita no buka atu influensa ita hodi nune’e halo ita fila kotuk ba Maromak Nia dalan ka Nia hanorin.
- · Jesus hanorin ita katak ita presiza tau-matan ho didi’ak ba Maromak Nia Futar Lia-Fuan ne’ebé kuda ona iha ita nia fuan. Maromak Nia Futar Lia-Fuan fó moris maibé salan no buat aat iha mundu sekular bele harahun no prevene ita atu la moris tuir valores Evangelho Jesus Nian.
- · Ikus mai iha ita nia moris, iha mundu ne’e, ita hotu sei hamriik iha Maromak futar oin hodi hatan ba Nia oinsá ita hala’o ona ita nia moris nu’udar sarani katólika. Reza ba grasa atu rezisti tentasaun mundu nian no grasa atu haboot ita nia dezeiju hodi halo buat kmanek ne’ebé fó ksolok ba Na’i Maromak.