15ª Semana Tempu Komun: Kuarta-feira, loron 19, fulan Jullu, 2023 July 19, 2023
Reflection on the WORD
Maluk sira mak Kristu hadomi,
Maromak Nia revelasaun-Fiar: Iha Evangelho ohin, Jesus dehan, “Aman, Na’i lalehan no rai nian, Ha’u hahi Ita, tan Ita subar tiha buat hirak ne’e ba ema matenek no neon na’in sira hodi hatudu ba ki’ik oan sira. Reflete; fiar iha Jesus nu’udar ita nia Salvador ne’e grasa divina ne’ebé la hetan tanba tenki estuda maka’as. Maibé wainhira ita loke ita nia neon no fuan hodi hatene, hodi hadomi, no hodi serbíMaromak, ita sei esperimenta ksolok ne’ebé profunda hosi Maromak iha ita nia moris.
Pe. Philip Heng, S.J.
Mt 11:25-27
Jesus ho Aman
25Iha oras neba Jesus dehan: “Aman, Na’i lalehan no rai nian, Ha’u hahi Ita tan Ita subar tiha buat hirak ne’e ba ema matenek no neon na’in sira hodi hatudu ba kiik oan sira. 26Los duni, Aman, tan Ita hakarak duni nune’e. 27Ha’u Aman tau tiha buat hot-hotu iha Ha’u liman; ema ida la hatene Oan, Aman deit mak hatene; nune’e mos ema ida la hatene Aman, Oan deit mak hatene, no mos ema nebe Oan hakarak hatudu ba nia.”
Today's Pointers on God's Word
As you read the passage what words, phases or meanings caught your attention?
- · Iha Evangelho ohin Jesus agradese ba Aman Maromak tan revela ona sabedoria Aman Maromak Nian ba sira ne’ebé ho atitude ne’ebé simplis (hanesan labarik sira) no umildade fuan nian. Dispozisaun ne’e loke ita nia-an ba Grasa no lialos Maromak Nian.
- · Jesus fó hanoin kona-bá risku ne’ebé ita sei hetan tan ita nia matenek halo ita foti-an no taka ita nia neon hosi domin no lialos Maromak Nian. Ida ne’e mak abut ba salan ne’ebé halo ita nia fiar malirin, indeferensa ba Maromak no maluk sira iha ita nia le’et, liu-liu ema mukit no kiak sira.
- · Ita simu Maromak Nia futar lia-fuan ho konfiansa simples no umildade? Husu grasa simplisidade hanesan labarik oan sira nian no grasa fiar ho laran mós atu nune’e ita bele hadomi no hatene Maromak pesoalmente.