15ª Semana Tempu Komun: Domingo, loron 16, fulan Jullu, 2023 July 16, 2023
Reflection on the WORD
Maluk sira mak Kristu hadomi,
Responde ba Fiar: Iha Evangelho ohin, Jesus haktuir “Aiknanoik kona ba ema ne’ebé kari fini”ba ema lubun bo’ot sira ne’ebéhamrook atu rona lialos Lia-fuan Di’ak Nian. Reflete; Ita nia resposta ba Lia-fuan Di’ak kontinuamente hasoru dezafius no tentasaun sira. Ha’u nia resposta hanesan ho rai ne’ebé bokuratu fó fini wa’in liu-tan ka ha’u nia resposta hanesan rai ne’ebé la bokur?”
Pe. Philip Heng, S.J.
Mt 13:1-9
Aiknanoik kona ba ema nebe kari fini
1Iha loron hirak neba Jesus sai housi uma hodi tur iha tasi ibun. 2Ema barak teb-tebes mai hale’u Nia; tan ne’e Nia tur iha ro ida nia laran, ema lubun boot tur iha tasi ibun. 3Nia hanorin buat barak ba sira ho aiknanoik dehan: “To’os na’in ida ba kari fini iha to’os laran. 4Nia kari fini dau-daun, balun monu iha dalan ninin, manu sira mai han. 5Fini seluk monu iha fatuk laran iha nebe rai uitoan deit; sira ne’e moris kedas basa rai la dun klean; 6maibe loron sa’e, sunu tiha sira tan abut la iha, hafoin sira sai maran. 7Fini seluk monu iha aitarak klaran; aitarak sira moris mai, hanehan sira to’o mate. 8Fini seluk monu iha rai diak hodi fo fuan: balun dala atus ida, seluk ne’en nulu; seluk fali tolu nulu. 9Ema nebe iha tilun, rona ba!”
Today's Pointers on God's Word
As you read the passage what words, phases or meanings caught your attention?
- Ema mesak oin-oin de’it mak rona Na’i Nia futar-liafuan. Balun rona partisial de’it nune’e diuk ba buat ne’ebé sira rona. Balun fali rona maibé la iha profundade, basá iha inisiu sira hatan, maibé kuran kompromisu.
- Iha mós ema balun ne’ebé rona ho interese barak maibé kuran abilidade atu rona buat ne’ebé importante. Ema sira ne’e preokupa liu halo buat barak no kolen atu halo buat di’ak ne’ebé sira presiza tebes ba sira moris.
- Ikus liu, iha ida ne’ebé loke nia neon hodi rona, nunka foti-an eh preokupa tebes atu aprende no serbi ema seluk. Maromak haraik grasa mai ita ne’ebé presiza atu krese iha ita nia domin ba Maromak liu hosi Nia Futar Lia-fuan. Ita tama iha kategoria rona na’in ida ne’ebé?