14ª Semana Tempu Komun: Sábado, loron 15, fulan Jullu, 2023 July 15, 2023
Reflection on the WORD
Maluk sira mak Kristu hadomi,
Fiar ho Aten barani no haraik-an: Iha Evangelho ohin, Jesus hanorin Nia Apóstolu sira atu prátika sira nia fiar ho haraik-an no aten barani. Ida ne’e mak oinsá Kristu obedese no moris tuir Aman Maromak Nia hakarak. Reflete; ita glorifika Maromak ka ita glorifika ita nia-an rasik wainhira ita prátika ita nia fiar no serbí Maromak Nia emar sira? Reza ba dom de haraik-an atu serbí Maromak ho fidelidade kreativu.
Pe. Philip Heng, S.J.
Mt 10:24-29
24Eskolante la bele boot liu fali mestre, atan la bele boot liu fali nia na’i. 25Eskolante ida sai hanesan nia mestre to’o ona, no mos ba atan sai hanesan nia na’in. Ema hanaran uma na’in Belzebu karik, oin sa liu tan mak sira sei hanaran sira nebe hela iha nia uma laran! 26Ne’e duni, keta tauk sira ba, basa la iha buat nebe subar hela nebe ema sei la fo sai, eh buat nebe naksubar nebe ema sei la hatene. 27Buat nebe Ha’u dehan ba imi iha nakukun laran, imi sei fo sai iha naroman; buat nebe imi rona sub-subar deit, imi sei haklaken housi uma nia kakuluk leten.”
Today's Pointers on God's Word
As you read the passage what words, phases or meanings caught your attention?
- · Ita nia ta’uk kontribui saida ba Maromak Nia reinu? Ta’uk mak forsa aat ne’ebé ameasa ita nia moris. Entaun, Jesus asegura ita katak ita labele husik forsa aat pertuba ita tan sira sei la foti tiha moris rohan la’ek hosi ita.
- · Maibé sekarik hamta’uk Maromak tulun ita respeita no adora Maromak liu-tan basá Nia mak boot liu buat hot-hotu no ita hanesan Nia kriatura de’it, nune’e hamta’uk ne’e di’ak tan nia tulun ita haraik-an no entrega ita-an moris ba Maromak Nia hakarak.
- · Ta’uk ne’ebé los no ideal mak hamta’uk Maromak tamba tulun ita atu sai maduru iha ita nia relasaun ho Maromak. Ita nia relasaun ho Maromak liberta ita hosi salan hanesan foti-an no ta’uk-teen, liu-liu wainhira hasoru buat aat no espíritu bosok-teen sira.