14ª Semana Tempu Komun: Kinta-feira, loron 13, fulan Jullu, 2023 July 13, 2023
Reflection on the WORD
Maluk sira mak Kristu hadomi,
Serbí ba Misaun Maromak Nian: Iha Evangelho ohin, Jesus hanorin Nia Apostólu sira atu ba haklaken Lia-Fuan Di’ak salvasaun nian ba mundu rai-klaran, fó kbi’it ba sira hodi halo milagre sira no sai sasin ba buat hirak ne’ebé sira hanorin no haklaken. Apostólu sira mos tenki banati tuir Kristu Nia moris ne’ebé simples, laran mós no haraik-an. Reflete; ita sai sasin no serbí Maromak Nia hakarak ho domin tomak?
Pe. Philip Heng, S.J.
Mt 10:7-14
7Tuir dalan, haklaken ba katak reinu lalehan besik ona. 8Halo moras sira hetan isin diak ba, halo mate sira moris hi’as fali ba, halo moras lepra sira sai mos, duni sai diabu sira. Imi simu hodi la selu, fo mos hodi la hein ema selu imi. 9Keta lori osan mean, osan mutin eh osan riti iha imi nia futukabun. 10La bele lori kohe tuir dalan, hatais tahan rua, sandalias, eh aitonka; basa serbisu na’in soi atu simu nia kolen. 11Wainhira imi tama iha sidade ka knua ruma, husu lai ema se mak diak, hodi hela iha neba to’o imi sai. 12Wainhira imi tama iha uma ida, kumprimenta nia ba. 13Uma ne’e soi karik, imi nia dame sei tun ba sira; nia la soi karik, imi nia dame sei fila ba imi. 14Ema la simu imi karik eh rona imi nia liafuan, liki rai rahun housi imi nia ain wainhira imi sai housi uma ka sidade ne’e.
Today's Pointers on God's Word
As you read the passage what words, phases or meanings caught your attention?
- · Jesus hateten ba Nia eskolante sira: Imi simu hodi la selu, fó mos hodi la hein ema selu imi. Buat ne’ebé dalabarak ita haluha mak, buat hotu ne’ebé ita iha, ne’e bensaun hosi Maromak no Maromak hakarak ita atu uza no fahe grasa ne’e ba ema seluk nia di’ak.
- · Se ita hili atu ignora lialos ne’e, espiritualmente ita sai matan-delek no foti-an. Ita mos bele hahu hodi fiar katak ita nia prezente hotu no bensaun ne’ebé ita simu hosi Maromak, reverza de’it ba ita nia-an no ita nia nesedidade sira. Ikus mai, ita bele sai ema egoista tanba akumula sasan mundu nian ba ita nia-an de’it.
- · Dala hira ona maka ita hakbesik-an hodi tau matan ba ema seluk nia nesesidades hanesan ita nia familia sira, parente sira, belun sira no ema kiak sira?