13ª Semana Tempu Komun: Sesta-feira, loron 07, fulan Jullu, 2023 July 7, 2023
Reflection on the WORD
Maluk sira mak Kristu hadomi,
Jesus Nia bolu - Eskolante: iha Evangelho ohin, Jesus bolu Mateus, kobrador impostu; maksalak publikanu atu sai Jesus Nia eskolante. Reflete; Jesus bolu ita pesoalmente atu serbí Nia emar sira, no lori sira ba besik liu-tan ho Lia-fuan Di’ak salvasaun nian maski ita la soin tan ita ema sala na’in? Jesus Nia bolu ne’e prezente ka dom ida. Saida mak Espíritu Santu dehan ba ita ohin?
Pe. Philip Heng, S.J.
Mt 9:9-13
Jesus bolu Mateus
9Sai tiha housi neba, Jesus hare ema ida naran Mateus, tur hela iha fatin kobra impostu nian hodi dehan ba nia: “Tuir Ha’u mai!” Nia hamriik hodi tuir Jesus. 10Jesus tur hela iha uma laran, ema publikanu no maksalak barak mai tur ho Nia, hamutuk ho nia eskolante sira. 11Hare tiha ne’e, fariseu dehan ba eskolante sira: “Nusa mak imi nia Mestre han hamutuk ho publikanu no maksalak sira?” 12Rona tiha sira, Jesus dehan: “La’os sira nebe isin diak mak kuran doutor, maibe sira nebe moras. 13Imi buka hatene liafuan ne’e katak sa: ‘Ha’u hakarak laran luak, la’os sakrifisiu.’ Basa Ha’u mai la’os atu bolu ema los sira, maibe ema maksalak sira.”
Today's Pointers on God's Word
As you read the passage what words, phases or meanings caught your attention?
- · Jesus nia domin la’os eslusivu maibé fahe ba ema hotu, liu-liu maksalak sira ne’ebé presiza salvasaun eterna. Tan ne’e Jesus hanorin ita atu nunka julga eh kondena ema seluk basá ida ne’e sinal ema ne’ebé sempre los hela de’it (foti-an).
- · Jesus hadomi ita inkondisionalmente no sempre perdua ita. Hanesan Mateus, ita nia moris sei hetan transformasaun totalmente se karik ita nia relasaun ho Maromak emar sira sai kompasivu liu-tan.
- · Dala barak ita halo julgamentu todan ba ema seluk ho ita nia atitude “ha’u mak santu liu o.” Husu ba Jesus atu tulun ita moris tuir valores Kristu nian lor-loron.