13ª Semana Tempu Komun: Kuarta-feira, loron 05, fulan Jullu, 2023 July 5, 2023
Reflection on the WORD
Maluk sira mak Kristu hadomi,
Fiar iha Jesus: iha Evangelho ohin, diabu sira ta’uk no lakon sira nia kbi’it wainhira hasoru Jesus basá sira hatene katak Nia ne’e Maromak Nia Oan. Maski Jesus duni sai diabu sira ho Nia kbi’it divina nian, maibé sira husu Nia atu husik sira nia rain. Reflete; iha momentu ruma ita la simu Jesus Nia lialós, domin no mizerikordia?
Pe. Philip Heng, S.J.
Mt 8:28-34
Ema sira ho diabu iha laran sai diak fali
28To’o tiha sorin balun ba, iha rai Gadara, ema na’in rua ho diabu iha laran mai housi rate hasouru Nia. Sira si’ak la diak, halo ema ida la bele liu housi dalan neba. 29Teki-teki sira hakilar. “Iha sa ida ho O no ami, Jesus, Maromak Oan? O mai iha ne’e atu halo ami terus molok nia tempu?”
30Besik iha neba fahi lubuk ida han du’ut dau-daun. 31Diabu sira husu ba Nia: “O duni sai ami karik, haruka ami tama ba fahi sira neba.” 32Nia dehan ba sira: “Tama ba!” Sira sai no tama ba fahi sira laran; sira ne’e haksoit housi rai tatinis ba tasi hodi mate hotu iha be laran. 33Fahi atan sira halai ba sidade hodi haktuir buat hotu ne’e, no mos kona ba buat nebe mosu ba ema nebe iha diabu iha laran. 34Sidade tomak sai mai hasouru Jesus. Wainhira sira hare Nia, sira husu Nia atu husik sira nia rai.
Today's Pointers on God's Word
As you read the passage what words, phases or meanings caught your attention?
- · Evangelho ohin fó hanoin ita katak la iha forsa aat bele hasees tiha Maromak Nia domin no protesaun ba ita, se karik ita ho fuan tomak buka hodi la’o tuir Maromak no moris tuir Nia hanorin.
- · Jesus Nia kbi’it divina sei halo ita livre hosi kbi’it aat, influensia aat hot-hotu no salan, wainhira ita konfia ita nia moris ba Na’i Nia kuidadu no providensia.
- · Ita prontu atu husik no muda hahalok sira ne’ebé hadook ita hosi Maromak Nia domin no grasa salvasaun nian? Ita presiza halo ezame da konsiénsia no ko’alia ho Maromak ho ita nia laran tomak (sinseridade).