13ª Semana Tempu Komun: Tersa-feira, loron 04, fulan Jullu, 2023 July 4, 2023
Reflection on the WORD
Maluk sira mak Kristu hadomi,
Fiar iha Jesus:iha Evangelho ohin, Jesus toba dukur hela iha ro laran wainhira tasi hahu si’ak. Jesus Nia apóstolu sira fanun Nia. Hafoin Nia halo anin boot ho tasi sai hakmatek no dehan ba sira, “Tansá imi ta’uk, imi sira ne’ebé fiar fraku?” Reflete; apóstolu sira nia fiar no konfiansa ba Jesus krese neneik no sai boot tebes tanba Espíritu Santu Nia kbi’it. No ikus mai apóstolu na’in sanulu ne’e mate nu’udar mártir.
Pe. Philip Heng, S.J.
Mt 8:23-27
Tasi boot sai hakmatek
23Tuir mai Jesus sa’e ba ro hamutuk ho Nia eskolante sira. 24Teki-teki, tasi hahu si’ak maka’as, laloran tama makaas iha ro laran, maibe Nia toba dukur hela. 25Eskolante sira hakbesik hodi fanu Nia dehan: “Na’i, soi ami, ami atu mate.” 26Jesus dehan ba sira: “Tansa imi tauk, imi sira fiar kiik?” Hafoin Nia hamriik hodi siak anin ho tasi, no buat hotu sai hakmatek. 27Sira hakfodak hodi dehan: “Ema ne’e se los, nebe anin ho tasi mos halo tuir deit.
Today's Pointers on God's Word
As you read the passage what words, phases or meanings caught your attention?
- · Iha ita nia moris, ita sertamente sei hasoru susar barak maski ita la hein sira atu mai. Maibé Jesus promete ita katak Nia sei hamutuk ho ita.
- · Eskolante sira ta’uk tanba hetan ameasa hosi laloran boot tasi nian no haluha tiha katak Jesus hamutuk ho sira.
- · Nune’e mos ita presiza moris ho esperansa basá Maromak Nia domin no Nia kuidadu ba ita sei la nahas (nunka hotu); Nia sei nafatin lori ita ba iha fatin ne’ebé seguru. Pasiénsia no hakmatek, maski ita hasoru susar no terus iha moris. Loke ita nia fuan ba Maromak no sertamente ita sei hetan Nia no Nia sei iha neba hamutuk ho ita no hela ho ita.