DGEMs

Maluk sira mak Kristu hadomi,

Orasaun nakonu ho sentido: Iha Evangelho ohin nian, Jesus fó hanoin nia discípulu sira atu reza husi sira nia fuan. Nune’e, Nia hanorin nia discípulu sira atu reza “orasaun Ami Aman”. Reflete; “wainhira ita la dehan ho intensaun saida mak ita temin iha orasaun, ita mak hanesan ko’alia ba ema ruma la ho sinceridade. Nune’e mai ita konsciente liu tan iha orasaun ho fuan tomak”.

Pe. Philip Heng, S.J.

Harohan oin sa

7Wainhira imi reza, keta koalia barak hanesan gentiu sira; sira hanoin katak ho sira nia liafuan bar-barak, Na’i sei rona sira. 8Keta halo hanesan sira basa imi nia Aman hatene buat nebe imi kuran molok imi husu ba Nia. 9Ne'e duni, harohan nune'e ba: ‘Ami Aman iha lalehan, halo Ita naran sai santo. 10Halo Ita nia reinu to'o mai ami; halo tuir Ita nia hakarak ba iha rai nudar iha lalehan. 11Haraik aihan loron loron nian mai ami. 12Haraik perdua ba ami nia tusan, nudar ami perdua sira nebe iha tusan ho ami. 13Keta husik ami monu ba tentasaun, maibe hasai ami housi buat aat.

            14Basa imi perdua karik ema sira nia sala, imi Aman iha lalehan mos sei perdua imi nia sala sira. 15Maibe imi la perdua karik ema seluk, imi nia Aman mos sei la perdua imi nia sala sira.”