DGEMs

Maluk sira mak Kristu hadomi,

Jesus nia Futar Isin no Ran:Iha Evangelho ohin nian, Jesus haklaken momós ba judeus sira, “ Ha’u mak Paun tun husi lalehan; se de’it mak han ha’u isin no hemu ha’u ranhetan moris rohan la’ek”. Reflete; “So ho fiar iha Jesus, no la’os liu husi hanoin sekular mak bele simu prezente divinu ne’e, no espiritualmente habosu ho Jesus Nia-an rasik; ba ita nia salvasaun eterna.”

Pe. Philip Heng, S.J.

51Ha’u mak paun moris nian nebe tun mai housi lalehan. Ema nebe han paun ne’e, nia sei moris ba nafatin; no paun nebe Ha’u sei fo mak Ha’u nia isin rasik, saran ba mundu nia moris.” 53Jesus hatan ba sira: “Tebes, tebes, Ha’u tebes ba imi: imi la han karik Oan Mane nia isin, imi la hemu karik nia ran, imi sei la hetan moris iha imi. 54Ema nebe han Ha’u nia isin no hemu Ha’u nia ran hetan moris rohan laek, no Ha’u sei halo nia moris hi’as iha loron ikus. 55Basa Ha’u nia isin aihan duni, Ha’u nia ran tua duni. 56Ema nebe han Ha’u nia isin no hemu Ha’u nia ran horik iha Ha’u, no Ha’u horik iha nia. 57Nudar Ha’u Aman nebe moris haruka Ha’u mai, no Ha’u moris tamba Aman, nune’e mos ema nebe han Ha’u, sei moris tamba Ha’u. 58Ne’e mak paun nebe tun mai housi lalehan; la’os hanesan ida nebe imi nia aman sira han, hafoin sira mate hotu; ema nebe han paun ne’e sei moris ba nafatin.”