DGEMs

Maluk sira mak Kristu hadomi,

Moris Autentiku: Iha Evangelho ohin nian, Jesus fó hanoin ema lubun bót atu kuidado ho eskriba sira, ne’ebé buka naran bót no Glória husi ema, maibé, sira make ema naokten no lori ema ba dalan sala. Maski nune’e, Reflete; “buka naran ne’ebé lolos maka laran luak atu fahe ho sinceridade, la’os ba-an rasik no la ho kondisaun; ho dignidade no ba diak ema seluk nian, especialmente ba sira ne’ebé kiak no presiza liu”.

Pe. Philip Heng, S.J.

Jesus halo sira matan moris kona ba eskriba sira

            38Nia dehan hodi hanorin, “Matan moris ba kona ba eskriba sira, nebe hakarak la'o ho unuk nar-naruk atu ema kumprimenta sira iha merkado, 39atu tur iha sinagoga sira nia oin eh iha ema boot sira nia fatin iha festa. 40Sira ne'e tolan feto faluk sira nia uma, maski sira halo ema hare ho laran makerek katak sira resa  barak. Sira ne'e sei hetan susar boot liu.”

Feto faluk nia osan

            41Nia tur iha osan fatin nia oin, hodi hare ema sira nebe tau osan iha neba. Ema riku sira tau osan barak. 42Feto faluk kiak ida mos mosu mai hodi tau osan fuan kiik rua. Osan ne'e nia folin kiik tebes. 43Jesus bolu nia eskolante sira hodi dehan ba sira, “Tebes Ha’u dehan ba imi; feto faluk kiak ne'e tau barak liu fali sira seluk iha osan fatin, 44basa sira tau osan nebe resin ba sira, maibe housi nia kiak, buat hotu nebe nia iha nia tau hotu, katak buat nebe nia kuran atu moris.”