DGEMs

Maluk sira mak Kristu hadomi,

Konfia-an liu iha fiar: Iha Evangelho ohin nian, serbisu nain sira konfia-an liu tiha; no ida ne’e lori sira ba hapara resultado kuda nian husi rai nain la ho justisa, no oho tiha Rai nain nia oan. Reflete; “ wainhira ita foti Maromak nia bensaun wain naresin baibain de’it, ita sei sai ema la justu no ema destrutivu, hanesan ‘serbisu nain sira’:  no bele estraga Na’i Maromak nia bensaun sira ba ita”.

Fr Philip Heng,S.J.

Aiknanoik kona ba to'os uvas nia na'in

            1Nia hahu koalia ba sira ho aiknanoik sira dehan. “Ema ida halo to'os uvas nian, hale’u nia ho lutu, ke’e kuak atu hanehan uvas no harii torre ida. Tuir mai, nia saran to'os ne'e ba ema fila rai sira, no la'o ba rai seluk. 2Wainhira tempu los to'o ona, nia haruka nia emar ida ba ema fila rai sira atu husu aifuan sira housi to’os. 3Maibe sira kaer emar ne'e, baku nia no haruka nia fila ho liman mamuk. 5Nia haruka tan ema seluk, maibe sira oho nia no mos ema barak seluk; balun sira baku, balun sira oho. 6Nia iha tan oan mane doben. Nia haruka nia ba sira hodi dehan: ‘Sira sei hamtauk ha’u nia oan.’ 7Maibe ema fila rai sira dehan ba malu, ‘Ida ne'e mak nia limanrohan na'in! Mai, ita oho nia, nune'e nia limanrohan sei monu mai ita.’  8Sira kaer no oho nia, hafoin soe nia ba liur. 9To’os na'in ne'e sei halo sa los? Nia sei mai no halo lakon ema fila rai sira ne'e hodi saran to'os uvas nian ba ema seluk.