DGEMs

Maluk sira mak Kristu hadomi,

Fiar iha Na’i Maromak: Iha Evangelho ohin nian, Jesus proklama, “Fiar iha Na’i Maromak...ho fuan la to’os....no buat hotu ne’ebé ita husu no reza ba; fiar katak ita iha tiha ona, no sei sai ita nian.” Reflete; “Lia-fuan sira Jesus nian sei sai, dezafiadora bót’, se ita uza lojika liu in ita nia hanoin. Konfia in Na’i Maromak kle’an liu tan, no milagre sei akontese.”

Pe. Philip Heng, S.J.

Jesus hateten aat ai figueira ida

            12Loron nebe tuir mai, wainhira sira sai housi Betania, Nia hamlaha. 13Sira hare housi dook ai figueira ida ho tahan barak. Nia hakbesik atu hare Nia bele hetan fuan ruma ka lae. To'o tiha neba, Nia hetan tahan deit, basa tempu atu ai figueira fo fuan seidauk to'o duni. 14Nia dehan: “Ema sei la han tan o nia fuan tinan ba tinan.” Nia eskolante sira rona buat sira ne'e hotu.

Ai figueira namlaek

            20Iha dader, wainhira sira liu housi neba, sira hare ai figueira namlaek ona to'o abut. 21Pedro hanoin hetan hodi dehan ba Nia, “Mestre, hare ba ai figueira nebe Ita fo malisan namlaek ona.” 22Jesus hatan ba nia dehan: “Fiar Maromak ba! 23Tebes Ha’u dehan ba imi katak ema nebe hateten ba foho ne'e, ‘Sai housi ne’e no soe o nia an ba tasi laran,’  hodi la namlele iha nia fuan maibe fiar katak buat nebe nia dehan sei mosu, sei mosu duni ba nia. 24Ne’e duni, Ha’u dehan ba imi: buat nebe imi resa hodi husu, fiar ba katak imi sei simu; nia sei mosu duni ba imi.