Domingo Pentecosta, loron 28, fulan Maio, 2023 May 28, 2023
Reflection on the WORD
Maluk sira mak Kristu hadomi,
“Espíritu Santu” – Fé sein Tauk: Iha evangelho ohin, Na’i Jesus mosu ba Ninia eskolante sira ne’ebé subar an tan tauk. Jesus dehan, “Nu’udar Aman haruka Ha’u mai, nune’e mós Ha’u haruka imi ba. Simu ba Espírito Santo!” Reflete: “Iha SakramentuKrisma, Kristu haruka ita hotu atu fo sasin sein tauk ba Ninia Lialos de salvasaun. Oinsa ita hala’o ita nia fiar ne’e?
Pe. Philip Heng, S.J.
Jo. 20:19-23
Iha kalan loron uluk semana nian, uma iha ne’ebé eskolante sira hela, nia odamatan taka metin tan sira tauk Judeu sira, Jesus mosu mai, hamriik iha sira leet hodi dehan, ‘Dame hela ho imi!’ Koalia tiha nune’e, Nia hatudu ba sira Nia liman no sorin. Hare tiha Na’i, eskolante sira haksolok teb-tebes. Jesus lia tun teni ba sira, ‘Dame hela ho imi!’
‘Nu’udar Ha’u Aman haruka Ha’u mai, nune’e mós Ha’u haruka imi ba.’ Hateten tiha ne’e, Nia hu’u iis ba sira dehan, ‘Simu ba Espírito Santo! Sira ne’ebé imi perdua sira sala, sira hetan duni perdaun; sira ne’ebé imi la perdua sira sala, sira la hetan duni perdaun.’
Today's Pointers on God's Word
As you read the passage what words, phases or meanings caught your attention?
- · Iha evangelho ohin, Jesus Ressucitado hatudu ressureisaun ninia glória ba Ninia eskolante sira. Nia hatudu ba sira Ninia kanek iha liman no sorin, hakalma sira, no fo sira damen.
- · Jesus fo eskolante sira grasa Espírito Santo no haruka sira atu haklaken Liafuan Di’ak ba mundu ninia rohan. Apóstolo sira, nakonu ho Espírito Santo, ho aten berani fo sasin kona-bá ksolok no lialos husi Liafuan Di’ak iha sira nia moris tomak.
- · Ita fiar iha Kristu Ressucitado Ninia Espírito Santo ka la’e? Jesus mós sei haraik Ninia Espírito atu haforsa ita nia fiar iha Ninia promessa sira no ita nia esperansa iha Ninia Ressureisaun. Nia espera ita atu husu Nia.