DGEMs

Maluk sira mak Kristu hadomi,

“Jesus nia Orasaun – Unidade”: Iha evangelho ohin, Jesus harohan katak kada ema sai ida de’it ho Nia nu’udar Nia “perfeitamente” iha Ninia Aman. Reflete: “Divizaun boot sira iha relasaun sira hanesan cultura, rasa, nasaun, ideologia sira bele kria aflisaun no destrusaun. Harohan ba Maromak nia damen, unidade forte liu no damen rohan la’ek iha mundu ne’e.

Pe. Philip Heng, S.J.

Jesus foti matan ba lalehan dehan: ‘Ha’u la harohan de’it ba sira ne’e, maibé mós ba sira ne’ebé sei fiar iha Ha’u tan sira ne’e nia liafuan; atu sira hotu sai ida de’it nu’udar Ita, Aman, horik iha Ha’u, no Ha’u iha Ita; atu sira mós hela iha Ita Na’in rua, nune’e mundu bele fiar katak Ita mak haruka Ha’u mai. Ha’u fo ona ba sira glória ne’ebé Ita fo mai Ha’u, atu sira sai ida de’it, nu’udar Ita Na’in rua ida de’it. Ha’u iha sira, no Ita iha Ha’u; atu sira laran ida de’it teb-tebes, nune’e mak mundu sei hatene katak Ita mak haruka Ha’u mai, no mós katak Ita hadomi sira nu’udar Ita hadomi Ha’u.’ 

‘Aman, Ha’u hakarak katak sira mós ne’ebé Ita fo mai Ha’u, hela hamutuk ho Ha’u iha fatin ne’ebé Ha’u hela; atu sira bele hare Ha’u nia glória ne’ebé Ita fo tiha mai Ha’u tan Ita hadomi Ha’u molok mundu hahú.’