DGEMs

Maluk sira mak Kristu hadomi,

“Jesus nia mate ne’ebé iminente”: Iha evangelho ohin, Jesus harohan atu Ninia mate fó glória ba Ninia Aman. Reflete: “Wainhira ita besik mate, ita sei hasoru Jesus ninia damen se ita hatene Nia pessoalmente durante ita nia moris tomak. Maibé, se ita estranu tebes no rejeita Nia, ita nia fiar ne’ebé fraku sei la fó ita Jesus ninia damen.”

Pe. Philip Heng, S.J.

Jesus foti matan ba lalehan dehan: ‘Aman, oras to’o ona mai. Fo glória ba Ita Oan Mane, atu Ita Oan Mane bele fo glória ba Ita; nu’udar Ita fo ona ba Nia kbiit atu ukun ema tomak, atu fo moris rohan la’ek ba sira hotu ne’ebé Ita tau iha nia liman. Ne’e mak moris rohan la’ek: hatene Ita nu’udar Maromak los mesak de’it, no Jesus Kristu ne’ebé Ita haruka mai.’ 

‘Ha’u hahi ona Ita iha rai hodi halo to’o rohan serbisu ne’ebé Ita haruka Ha’u atu halo. Aman, oras ne’e hahi fali Ha’u ba ho glória ne’ebé Ha’u iha ho Ita, molok mundu mosu mai. Ha’u haklaken tiha Ita naran ba ema sira ne’ebé Ita haraik mai Ha’u housi mundu. Sira Ita nian no Ita fo sira mai Ha’u; sira moris tuir ona Ita nia liafuan. Oras ne’e sira hatene katak buat hotu ne’ebé Ita fo tiha mai Ha’u mai housi Ita.’