7ª Semana Tempu Páscoa; Segunda-feira, loron 22, fulan Maio, 2023 May 22, 2023
Reflection on the WORD
Maluk sira mak Kristu hadomi,
“Apoiu humanu no Divinu nian”: Iha evangelho ohin, Jesus profetiza katak nia eskolante sira sei abandona Nia, wainhira Nia hasoru perseguisaun. Jesus ninia forsa lolos no apoiu mai husi Ninia Aman. Reflete: “Ita fraku no salan. Tan-ne’e, ita laiha certeza ita apoia Jesus no apoia malu. Ita nia apoiu no forsa boot liu mai husi Maromak.”
Pe. Philip Heng, S.J.
Jo. 16:29-33
Eskolante sira dehan ba Jesus, ‘Oras ne’e Ita koalia mo-mos, la’os tan ho aiknanoik. Oras ne’e ami hatene katak Ita hatene buat hotu, no la presiza ema atu husu Ita. Tan ne’e ami fiar katak Ita mai housi Maromak.’
Jesus hatan ba sira: ‘Ohin imi fiar ona? Oras sei to’o mai, lo-los mai tiha ona, wainhira imi sei namkari ida-ida ba nia asuntu, no husik Ha’u mesak; maibé Ha’u sei la mesak, basa Aman hela hamutuk ho Ha’u. Ha’u fo hatene buat ne’e ba imi atu imi hetan dame. Iha mundu imi sei hetan susar barak; maibé imi aten berani ba, basa Ha’u manan tiha mundu.’
Today's Pointers on God's Word
As you read the passage what words, phases or meanings caught your attention?
- · Eskolante sira foin espresa sira nia fiar iha Kristu. Maibé, Kristu hatene katak sira sei abandona no nega Nia.
- · Dala hira ona mak ita nia hahalok sira hanesan eskolante sira? Iha mundu modernu ne’e, ita dala barak hasoru perspektivu oi-oin ne’ebé kontra Liafoun Di’ak no Igreja ninia doutrina. Ita halo-tuir de’it tamba tauk simu rejeisaun?
- · Ita nia konsolasaun mak Jesus Kristu Ressucitadu manan ona forsa hotu-hotu ne’ebé hakarak destrói Liafoun Di’ak. Ho fiar no korazen, hamutuk ho Espírito Santo, ita bele ultrapassa buat hotu no ema hotu ne’ebé kontra Kristu.