DGEMs

Maluk sira mak Kristu hadomi,

“Hadomi Jesus” – Fiar: Iha evangelho ohin, Jesus haklaken ba nia eskolante sira, “Tan mundu odia Ha’u, sira mós sei odia imi; se sira rona Ha’u nia liafuan, sira mós sei rona imi nian.” Reflete: “Lalaok moris ne’ebé mundu nian no depende ba material mundu nian promove lalaok moris ne’ebé fó importansia ba-an. Maibé, Jesus promove lalaok moris haraik-an no Maromak nu’udar centro da vida.”

Pe. Philip Heng, S.J.

Jesus dehan ba Ninia eskolante sira: ‘Mundu odi imi karik, imi hatene ba katak nia odi Ha’u uluk liu imi. Imi mundu ne’e nian karik, mundu sei hadomi imi nu’udar ninia an rasik; maibé, tan imi la’os mundu ne’e nian, basa Ha’u fihir ona imi housi mundu, tan ne’e mak mundu odi imi.’

            ‘Hanoin fali ba lia hirak ne’ebé Ha’u hateten ona ba imi: Atan ida la boot liu nia nain. Sira fo terus Ha’u karik, sira sei fo terus mós ba imi; sira halo tuir karik Ha’u nia liafuan, sira sei simu mós imi nian. Maibé sira sei halo buat ne’e hotu ba imi hodi Ha’u nia naran, basa sira la hatene Ida ne’ebé haruka Ha’u mai.’