DGEMs

Maluk sira mak Kristu hadomi,

“Jesus nia damen” – Fiar: Iha evangelho ohin, Jesus asegura ba nia eskolante sira katak “Ha’u fó ba imi damen, la’os hanesan ho ida ne’ebé mundu fó ...” Reflete: Ita esperiensia damen ne’ebé mai husi emosaun wainhira buat hotu-hotu di’ak iha ita nia moris. Maibé, ‘damen’ ne’ebé Jesus haraik mai ita nu’udar prezente divinu ida; ita nia fuan nia hakaran;ne’ebé ita hamutuk ka unido los ho Maromak.”

Pe. Philip Heng, S.J.

Jesus dehan ba eskolante sira: ‘Dame Ha’u husik ba imi, Ha’u nia dame Ha’u fo ba imi; la’os hanesan mundu fo mak Ha’u fo ba imi. Keta laran susar ba; keta tauk ba.’ Imi rona katak Ha’u hateten ona ba imi: ‘Ha’u ba, no Ha’u sei fila fali ba imi.’ Imi hadomi tiha Ha’u karik, imi sei haksolok tan Ha’u ba Ha’u Aman, basa Aman boot liu fali Ha’u.

            ‘Ha’u hateten sai buat ne’e kedas ba imi molok nia mosu, atu wainhira nia mosu, imi fiar. Ha’u sei la hateten tan buat barak ba imi, basa ukun na’in mundu ne’e nian mai dau-daun ona. Nia la iha kbiit atu ukun Ha’u; maibé atu mundu bele hatene katak Ha’u hadomi Aman, no oin sa Aman haruka Ha’u, nune’e mak Ha’u halo. Hamriik ba, Ita sai ona housi ne’e!’