DGEMs

Maluk sira mak Kristu hadomi,

“Hadomi Jesus” – Fiar: Iha evangelho ohin, Jesus haklaken ba nia eskolante sira, “Ema ne’ebé hadomi Ha’u, Ha’u Aman sei hadomi nia ... no Ami sei mai iha nia, hodi horik iha nia.” Reflete: “Ita buka no hakaas-an atu hadomi Jesus, no moris-tuir Maromak ita Aman nia hakaran fielmente ka la’e? Harohan atu Maromak nia inspirasaun, domin no protesaun ba ema hotu-hotu.”

Pe. Philip Heng, S.J.

Jesus dehan ba eskolante sira, “Ema ne’ebé simu hodi halo tuir Ha’u nia ukunfuan, nia mak hadomi Ha’u; no ema ne’ebé hadomi Ha’u, Ha’u Aman sei hadomi nia; no Ha’u sei hadomi nia hodi hatudu ba nia Ha’u An rasik.” 

Jesus hatan dehan ba nia: “Ema ne’ebé hadomi Ha’u sei halo tuir Ha’u liafuan, no Ha’u Aman sei hadomi nia; Ami sei mai iha nia, hodi horik ho nia. Ema ne’ebé la hadomi Ha’u la halo tuir Ha’u nia liafuan; no liafuan ne’ebé imi rona dau-daun la’os Ha’u nian, maibé mai housi Aman ne’ebé haruka Ha’u mai.”

“Ha’u hateten lia hirak ne’e ba imi wainhira Ha’u sei hela ho imi; maibé Ksolok Na’in, katak Espírito Santo, ne’ebé Aman sei haruka hodi Ha’u nia naran, sei hanorin imi buat hot hotu, hodi halo imi hanoin fali buat tomak ne’ebé Ha’u hateten ona ba imi.”