DGEMs

Maluk sira mak Kristu hadomi,

“Jesus fase eskolante sira nia ain”: Iha evangelho ohin, Jesus haklaken katak nu’udar Mesias no Mestre, nia domin divinu manifesta iha nia domin no obra absolutu; liu-husi nia terus no mate ba ita nia salvasaun. Reflete: “Oinsa ita fó sasin kona-bá Jesus nia ‘domin to’o mate’ iha ita nia relasaun sira ho ema seluk lor-loron?”

Pe. Philip Heng, S.J.

Depois de fase eskolante sira nia ain, Jesus dehan ba sira, ‘Tebes, tebes, atan ida la sai boot liu fali nia na’i; no manuain la boot liu fali ida ne’ebé haruka nia.’

‘Imi komprende buat ne’e karik, ksolok ba imi wainhira imi halo tuir. La’os kona-bá imi hotu mak Ha’u koalia; Ha’u hatene Ha’u fihir se, maibé atu eskritura ne’e sei tuir los: ‘Ema ne’ebé han paun hamutuk ho Ha’u foti ona nia ain tuban hasouru Ha’u.’

‘Ha’u dehan buat hirak ne’e kedas ba imi, molok nia mosu, atu wainhira buat ne’e mosu duni, imi bele fiar katak Ha’u mak Ha’u. Tebes, tebes, Ha’u dehan ba imi: ema ne’ebé simu ida ne’ebé Ha’u haruka simu Ha’u; no ida ne’ebé simu Ha’u, simu Ida ne’ebé haruka Ha’u mai.’