DGEMs

Maluk sira mak Kristu hadomi,

“Bibi Atan Di’ak”: Iha evangelho ohin Jesus haklaken, “Ha’u mak Bibi Atan Di’ak... ne’ebé saran Nia nia an ba bibi sira...Ha’u hatene sira no sira hatene Ha’u...Iha bibi seluk; sira seidauk tama iha luhan ida ne’e, no Ha’u sei dada mós sira mai.” Reflete: Laiha tan bensaun no esperansa ne’ebé furak liu ida ne’ebé Jesus rasik maka haklaken. Harohan ba Jesus ho gratidaun ne’ebé kle’an.

Pe. Philip Heng, S.J.

Jesus dehan: ‘Ha’u mak bibi atan diak. Bibi atan diak saran nia moris ba nia bibi sira. Maibé ema ne’ebé la’os bibi atan tan nia la’os bibi na’in, hare tiha asu fuik mai, nia halai hodi soe bibi sira, ne’ebé asu fuik kaer hodi halo namkari. Tan nia ema kontratu na’in, la hanoin bibi sira.’ 

‘Ha’u mak bibi atan diak; Ha’u hatene Ha’u nia bibi sira, no Ha’u nia bibi sira hatene Ha’u. Nu’udar Aman hatene Ha’u, nune’e mós Ha’u hatene Aman; no Ha’u saran Ha’u nia moris ba Ha’u nia bibi sira. Ha’u iha tan bibi seluk ne’ebé seidauk tama iha bibi luhan ida ne’e. Ha’u sei dada mós sira mai. Sira sei rona Ha’u nia lia, no sei iha bibi luhan ida deit ho bibi atan ida deit. Tan ne’e, Aman hadomi Ha’u tamba Ha’u saran Ha’u nia moris atu simu fali nia. Ema ida la hasai nia housi Ha’u; maibé Ha’u saran nia hodi Ha’u rasik nia hakarak. Ha’u iha kbiit atu saran Ha’u nia moris, no mós iha kbiit atu simu fali nia. Ida ne’e mak ukunfuan ne’ebé Ha’u simu housi Ha’u Aman.’