DGEMs

Maluk sira mak Kristu hadomi,

“Fé iha Kristu”: Iha evangelho ohin, Jesus deklara katak ema sira buka Nia tan sira han paun to’o bosu. Sira deve ser buka hahan espiritual ne’ebé habosu sira ba vida eterna. Reflete: “Ita mos monu ba dejeju superficial/falsu sira wainhira ita buka Jesus?”

Pe. Philip Heng, S.J.

22Liu tiha loron ida, ema barak nebe hela iha tasi sorin balun, hare katak iha ro ida deit iha neba, no Jesus la sa’e hamutuk ho nia eskolante sira, maibe sira ne’e ba mesak deit. 23Maibe, ro balun to’o housi Tiberiades, besik fatin nebe sira han paun, wainhira Na’i fo agradese. 24Hare katak Jesus la iha ona neba, nia eskolante sira mos lae, sira sa’e ro hodi ba Kafarnaum atu buka Jesus.

Paun moris nian

                  25Hetan tiha Nia iha tasi sorin balun ba, sira hateten ba Nia: “Mestre, wainhira mak Ita boot to’o iha ne’e?” 26Jesus hatan ba sira dehan: “Tebes, tebes, Ha’u dehan ba imi: imi buka Ha’u la’os tan imi hare milagre sira, maibe tan imi han paun to’o bosu. 27Keta haka’as an atu hetan aihan nebe mohu, maibe aihan nebe hela ba moris rohan laek; nebe Oan Mane sei haraik ba imi. Basa ba Nia mak Aman Maromak tau nia marka.” 28Sira hatan ba Nia dehan: “Ami sei halo sa los atu halo Maromak nia serbisu?” 29Jesus lia tun ba sira: “Maromak nia serbisu mak ida ne’e: imi fiar Ida nebe Nia haruka mai.”