2ª Semana Tempu Páscoa; Sábadu, loron 22, fulan abril, 2023 April 22, 2023
Reflection on the WORD
Maluk sira mak Kristu hadomi,
Jesus ninia Divinidade – Fé: Iha evangelho ohin, Jesus ninia divinidade revela wainhira Nia la’o iha bee leten. Eskolante sira tauk wainhira sira nunka haré esperiênsia ida ne’e. Reflete: “Jesus bele no revela tiha ona Ninia Kbiit Divinu liu husi milagre barak ne’ebé Nia halo iha ita nia moris. Maibé, ita agradese Nia ka ita falta apresia Ninia Domin, Mizerikordia, no Atensaun mai ita?”
Pe. Philip Heng, S.J.
Jo. 6:16-21
Jesus la’o iha be leten
16Wainhira loron monu ona, eskolante sira tun ba tasi. 17Sa’e tiha ba ro ida, sira hakur tasi atu ba Kafarnaum. Nakukun ona, maibe Jesus seidauk to’o hamutuk ho sira. 18Tasi sai boot tan anin hu’u maka’as. 19Wainhira sira hean tiha ro dook ona besik kilometru haat, sira hare Jesus la’o iha be leten hakbesik ro. Sira tauk; 20maibe Nia dehan ba sira: “Ha’u mak ne’e, keta tauk!” 21Sira hakarak simu Nia iha ro laran; no ro to’o lalais ba rai nebe sira ba.
Today's Pointers on God's Word
As you read the passage what words, phases or meanings caught your attention?
- · Wainhira evanjelista João konta fila-fali apóstolu sira mes-mesak hasoru tasi boot iha tasi laran nia deskrebe situasaun ne’e nu’udar ‘nakukun’ espiritual. João haktuir katak sira tauk.
- · Ita hanesan apostolu sira ka la’e wainhira ita esperiênsia susar? Wainhira Na’i ninia prezensa kuaze dook husi ita maski ita hatene Nia iha ita leet. Wainhira ita hasouru situasaun susar, ita presiza laran-metin ba Maromak liu tan tanba Nia nunka abandona ita.
- · Maromak tau-matan ba ita loron-loron, especialmente iha momentu susar sira no hasoru tentasaun. Wainhira calamidade no aflisaun preokupa ita, oinsa ita responde? Responde ho fé no esperansa ka ho tauk no hirus?