2ª Semana Tempu Páscoa; Tersa-feira, loron 18, fulan abril, 2023 April 18, 2023

Reflection on the WORD

Maluk sira mak Kristu hadomi,

“Revelasaun Divinu” – Fiar: Iha evangelho ohin, Jesus haklaken, “Ema ida la dauk sa’e ba lalehan; maibé Ida de’it ne’ebé tun housi lalehan, katak Oan Mane.” Reflete: “Jesus revela Ninia An nu’udar Messias ne’ebé haklaken Lialos da salvasaun. Ita agradese tamba ita iha fé iha Jesus; ita harohan atu ita iha grasa ne’ebé fo sasin kona-bá fiar ne’e ho fidelidade no entuziasmo boot liu tan.”

Pe. Philip Heng, S.J.

Jo. 3:7b-8,11-15

7Keta hakfodak tamba Ha’u  dehan ba o, ‘Imi ten ke moris fali housi leten.’ 8Anin hu’u ba fatin nebe nia hakarak; o rona nia lia, maibe o la hatene nia mai housi nebe no nia ba nebe. Nune’e mos ho ema hotu nebe moris housi Espiritu.” 11Tebes, tebes, Ha’u hateten ba o katak ami koalia kona ba buat nebe ami hatene, hodi fo sasin kona ba buat nebe ami hare ona; maibe imi la simu. 12Ha’u koalia kona ba sasan mundu ne’e nian karik, no imi la fiar Ha’u; oin sa mak imi bele fiar wainhira Ha’u koalia kona ba sasan lalehan nian? 13Ema ida la dauk sa’e ba lalehan; maibe Ida deit nebe tun housi lalehan, katak Oan Mane. 14Nudar Moises foti samea iha rai fuik maran, nune’e mos ema ten ke foti Oan Mane, 15atu ema hotu nebe fiar iha Nia bele hetan moris rohan laek.

Today's Pointers on God's Word

As you read the passage what words, phases or meanings caught your attention?

  • ·       Maromak ninia Espíritu ne’ebé inspira no dirije ita mak Mistériu Divinu ida ne’ebé boot liu ita ema nia expektativa no kontrolu. Maromak nia lalaok la hanesan ita ema nian. Ita ema ninia lalaok moris somente halo-naroman no hakle’an ita nia domin ba Maromak, se ita la’o-tuir Espíritu Santu nia mata-dalan.
  • ·       Jesus triste tebes tamba ema konstantamente rejeita Nia Lialos: ita sincere iha ita nia dejeju la’o-tuir Maromak ninia lalaok ka ita haraik-an suficiente katak Maromak mak ita nia mentor último basa ita ema nia lalaok moris dala barak nakonu ho prekonseitu no tendensia humana.
  • ·       Jesus nu’udar ita nia Messias tun housi Lalehan: hamutuk ho Aman Maromak no Espíritu, Nia haraik ba ema hotu prezente moris rohan la’ek, se ita fiar metin ba Nia.