DGEMs

Maluk sira mak Kristu hadomi,

“Jesus ninia Paixaun no Mate”: Jesus sofre no mate nu’udar “Liurai boot liu liurai hotu-hotu”; atan haraik-an liu atan hotu-hotu; no obediência lolos tuir Aman Maromak nia hakaran atu lori Salvasaun ba ema hotu-hotu. Reflete: “Harohan ba forsa no sabedoria hodi fiél tuir Aman Maromak ninia hakaran maske kruz moris nian ita ida-ida simu.”

Pe. Philip Heng, S.J.

Sira kaer Jesus

                    1Dehan tiha liafuan hirak ne’e, Jesus ho nia eskolante sira hakat liu ba mota Sedrom. Sira tama iha to’os ida iha neba. 1Tuir mai, Pilatos haruka ema lori Jesus hodi baku Nia. 4Pilatos sai fali hodi dehan ba sira: “Hare ba. Ha’u hatudu Nia ba imi atu imi hatene katak Ha’u la hetan sala ida iha Nia.” 5Nune’e Jesus sai mai iha liur, ho koroa ai tarak nian no unuk mean. Pilatos dehan: “Ema mak ne’e!” 6Hare tiha Nia, amlulik boot no guarda sira hakilar dehan: “Hedi Nia ba krus! Hedi Nia ba krus!” Pilatos dehan ba sira: “Imi rasik lori Nia ba hodi hedi Nia ba krus; tan ha’u la hetan sala ida iha Nia.” 16Ne’e duni, Pilatos saran Jesus ba sira atu sira hedi Nia ba krus.

Jesus mate iha krus

            17Tuir mai Judeu sira lori Jesus no Nia sai ba liur hodi Nia lori nia krus iha nia kbaas ba fatin ida naran “ulun ruin fatin,” nebe dehan iha lia Ebreu “Golgota.” 18Iha neba sira hedi Nia iha krus hamutuk ho ema na’in rua, ida iha sorin ida-ida, no Jesus iha klaran. 19Pilatos haruka hakerek ai kabelak ida atu tara iha krus. Hakerek nune’e: “Jesus Nazare, Judeu sira nia liurai.” . 25Nia inan, nia inan nia alin, katak Maria, Cleofas nia fen, ho tan Maria Madalena hamriik besik Jesus nia krus. 28Tuir mai, tan hatene ona katak buat hotu la’o tuir ona, atu halo tuir lo-los eskritura, Jesus dehan: “Ha’u hamrook!” 29Iha neba iha buli oan ida ho tua sin, tan ne’e, sira habokon esponia ida iha tua sin ne’e, tau iha fafulu tutun hodi lolo ba Jesus nia ibun. 30Koko tiha tua sin ne’e, Jesus dehan: “Buat hotu tuir los ona,” hafoin, Nia halis Nia ulun hodi saran nia klamar.