DGEMs

Maluk sira mak Kristu hadomi,

Jesus – Liafoun diak – Fiar  : Iha evangelho ohin nian, Jesus proklama lia los salvasaun nian ba Fariseu sira, maibé sira rejeita Nia. Reflete; “ Ita nia loko an maka sai hanesan kauza primaria ba ita nia matan delek espiritual nian. Na’i Maromak sei la haraik bensa mai ita se ita la haraik-an hodi buka Nia. Labele hein too hetan krize mak ita foin buka Maromak.”

Fr. Philip Heng, S.J.

Jesus la’os housi mundu ne’e

                    23Jesus lia tun ba sira, dehan: “Imi mai housi kraik, Ha’u mai housi leten; imi mundu ne’e nian, Ha’u la’os mundu ne’e nian. 24Ha’u dehan ba imi katak imi sei mate iha imi nia sala. Imi la fiar karik katak Ha’u mak Ha’u, imi sei mate duni iha imi nia sala.” 25Sira husu ba Nia: “O se los?” Jesus hatan: “Ha’u hateten ona ba imi houri uluk kedas buat nebe Ha’u dehan ba imi. 26Ha’u sei iha buat barak atu koalia no tesi lia kona ba imi. Maibe ida nebe haruka Ha’u mai, Nia los; no Ha’u fo sai ba mundu buat sira ne’e nebe Ha’u rona housi Nia.” 27Sira la hatene katak Nia koalia ba sira kona ba Aman. 28Ne’e duni, Jesus dehan: “Wainhira imi sei foti tiha Oan Mane, iha oras neba mak imi sei hatene katak Ha’u mak Ha’u, no katak Ha’u la halo buat ida hodi Ha’u rasik, maibe Ha’u koalia buat hirak ne’e nudar Aman hanorin Ha’u. 29Ida nebe haruka Ha’u mai hela ho Ha’u; Nia la husik Ha’u mesak, basa Ha’u halo nafatin buat nebe fo ksolok ba Nia.” 30Jesus hateten buat sira ne’e, no ema barak fiar Nia.