DGEMs

Maluk sira mak Kristu hadomi,

“Anunsiasaun do Senhor”  : Iha festa ida ohin, ita renova ita nia fiar iha Na’i Maromak nia Mistério ne’ebé haruka Anjo São Gabriel ba Maria ho mensagem katak ida ne’e Na’i Maromak nia planu salvasaun nian, katak Maria sei ko’us Mesias liu husi Espíritu Santu nia kbi’it. Reflete; “pasa tempu balun ohin, hodi reflete kona-bá oinsa Maria hatan ‘sim’ ba Maromak nia hakarak ne’ebé sei transforma ema tomak.”

Fr. Philip Heng, S.J.

Anju Gabriel fo hatene ba Maria katak Jesus atu moris

26Iha fulan neen, Maromak haruka anju Gabriel ba knua ida Galileia nian, naran Nazare, 27ba fetoran ida nebe hakotu tiha ona ba mane ida naran Jose, housi David nia umakain; fetoran ne’e naran Maria. 28Tama tiha iha uma, anju dehan: “Rahun diak, feto kmanek wa’in tebes! Na’i ho ita!” 29Rona tiha lia ne’e, nia laran taridu hodi husu ba nia an rasik kumprimentu ne’e katak sa los. 30Anju dehan ba nia: “Keta tauk, Maria; basa o hetan rahun diak tebes iha Maromak futar oin. 31O sei ko’us no tur ahi oan mane ida. O sei hanaran Nia Jesus. 34Maria husu ba anju: “Ne’e sei sai oin sa los, basa ha’u la hola mane?” 35Anju hatan ba nia dehan: “Espiritu Santu sei tun ba o no Na’i aas liu hotu nia kbiit sei hamahan o. Tan ne’e santu nebe atu moris sei hanaran An ‘Maromak nia Oan.’ 38Maria dehan: “Ne’e sa, Na’i nia atan oan mak ne’e. Halo tuir ita liafuan ba!” Hafoin anju husik nia.