4a Semana Tempu Kuaresma, Kinta-feira, loron 23, fulan Marsu, 2023 March 23, 2023
Reflection on the WORD
Maluk sira mak Kristu hadomi,
“Falta de sabedoria iha moris” - Fiar : Iha evangelho ohin nian, Jesus hatudu mai ita katak ema Judeu sira menus iha sabedoria atu rekonhese no simu realidade lolos ne’ebé oferese salvasaun. Ho buat hirak ne’e sira kontinua rejeita Jesus hanesan Messias. Reflete; “ita nia fokus iha moris ba mundu sekular ho nia atrasaun no glória oin-oin ou moris iha sabedoria no tuir Jesus nia exemplu sira?”
Fr. Philip Heng, S.J.
Jn 5:43-47
43Ha’u mai hodi Ha’u Aman nia naran, no imi la simu Ha’u; ema seluk mai karik hodi nia naran rasik, imi sei simu nia. 44Imi bele fiar oin sa, imi nebe simu gloria housi imi maluk sira, maibe la buka gloria nebe mai housi Maromak mesak? 45Keta hanoin katak Ha’u mak sei du’u imi ba Aman; iha ida nebe sei duu imi: Moises nebe imi tau imi nia esperansa. 46Imi fiar Moises karik , imi sei fiar mos Ha’u, tamba nia hakerek kona ba Ha’u. 47Maibe, imi la fiar karik buat nebe nia hakerek, oin sa mak imi bele fiar Ha’u nia liafuan?”
Today's Pointers on God's Word
As you read the passage what words, phases or meanings caught your attention?
- · Passagem ida ne’e hanesan reflesaun direta ida kona-bá ita nia moris lor-loron hanesan Kristaun. Iha tempu barak wainhira ita hili atu halo diak, ita sukat ho ita nia maluk sira em vez de hare ba oinsa Jesus nia diak mai ita.
- · Ita tenki hare ba ita nia fuan no sente lolos Na’i Maromak nia laran luak mai ita. Ita moris ka la’e em kontraste ho Na’i Maromak nia diak? Se ita halo duni, oinsa mak ita bele hadomi liu tan no loke-an ba Na’i Maromak nia domin misericordioso mai ita.
- · Durante tempu quaresma, gasta tempu hodi reflete kona-bá Na’i Maromak nia domin misericordioso ba ita no oinsa mak Nia bolu ita atu hatudu ita nia gratidaun ba Nia.