DGEMs

Maluk sira mak Kristu hadomi,

“Maksalak nia haraik an – Fiar”  : Iha evangelho ohin nian, Jesus ko’alia kona-bá aiknaoik “Fariseu no Publikanu” atu desafia ema Judeu sira ne’ebé loko-an atu aprende oinsa bele haraik-an. Reflete; “ Ita hakribi ka la’e ita nia sala, no buka Na’i Maromak nia domin laran-luak nian no Nia perdaun ho haraik-an ou ita kontinua loko-an no la foti responsabiladade ba ita sala sira?

Fr. Philip Heng, S.J.

Fariseu no Publikanu

9Hafoin Nia haktuir tan aiknanoik ida ne’e ba ema balun nebe foti an hodi hanoin katak sira ema santu, no hakribi ema seluk: 10“Ema na’in rua sa’e ba templu atu harohan: ida fariseu, ida seluk publikanu. 11Fariseu ne’e hamriik tiha, hodi harohan nune’e: ‘Na’i Maromak, ha’u agradese Ita Boot, basa ha’u la’os hanesan ema seluk: sira mesak ema na’okten, kaanten, laran foer; ha’u la hanesan mos ema publikanu ne’e. 12Ha’u hadera an semana ida dala rua. Ha’u selu impostu housi ha’u nia rikusoi tomak.’ 13Publikano fali hamriik dook, la berani atu foti matan, maibe baku deit nia hirus matan dehan: ‘Na’i Maromak, sadia atan ha’u, ema maksalak!’ 14Tebes, Ha’u dehan ba imi katak ema ne’e fila ba uma los ona, ida seluk lae. Basa ema nebe foti an, Na’i sei hatun nia; no ema nebe haraik an, Na’i sei foti nia.”