3a Semana Tempu Kuaresma, Kinta-feira, loron 16, fulan Marsu, 2023 March 16, 2023
Reflection on the WORD
Maluk sira mak Kristu hadomi,
“Matan delek iha Fiar” : Iha evangelho ohin nian, Jesus kura ema matan delek, maibé Judeus sira kondena Nia tamba Jesus uza poder diabu nian hodi halo milagre. Reflete; “ Wainhira ema ida kontra Na’i Maromak, nia matan delek espiritual nian akontese tamba loko-an no la husik Na’i Maromak tama iha nia moris. Ita komete ka la’e pekadu ne’ebé hanesan kontra ita Na’i ne’ebé hadomi ita?”
Fr. Philip Heng, S.J.
Lk 11:14-18ª, 20,23
FARISEU SIRA DUU MATAK JESUS
14Jesus duni sai dau-daun diabu ida nebe monok. Wainhira diabu sai tiha, ema monok koalia hodi halo povu tomak hakfodak. 15Maibe ema balun dehan: “Nia duni sai diabu hodi Beelzebu, diabu sira nia ulun, nia naran.” 16Balun fali husu ba Nia sinal ida housi lalehan, atu koko Nia. 17Maibe, hatene tiha sira nia hanoin, Nia dehan ba sira: “Reinu hotu nebe fahe malu sei sobu rahun, no uma ida sei monu iha uma seluk nia leten. 18Nune’e mos, Satanas fahe karik nia an ba rua, nia reinu sei tahan oin sa los? Basa imi dehan katak hodi Belzebu mak Ha’u duni sai diabu sira. 20Maibe Ha’u duni sai diabu sira hodi Maromak nia limanfuan karik, ne’e dehan katak Maromak nia reinu to’o ona ba imi. 23Ida nebe la hamutuk ho Ha’u, nia hasouru Ha’u; no ida nebe la halibur ho Ha’u, nia sei namkari.
Today's Pointers on God's Word
As you read the passage what words, phases or meanings caught your attention?
- · Jesus duni sai diabu hosi ema mudo ne’e. Em vez de muda tamba aktu divinu ida ne’e no hakbesik ba ho fiar iha Jesus hanesan ita nia Salvador, Judeus sira hela nafatin ho sira nia matan at no hili atu interpreta eventu ida ne’e hanesan aktu demônio nian.
- · Ita iha ka la’e atitude positiva wainhira interpreta buat diak sira ne’ebé ema halo no momentu ksolok sira ne’ebé akontese iha ita nia moris lor-loron? Se ita laiha atitude positiva, ita sei kria dissensão no divisaun iha ita nia relasionamentu iha komunidade.
- · Reza ba grasa Espíritu nian atu halo ita sai instrumentu paz, lia-los no domin ba ema seluk iha ita nia moris lor-loron. Sai Kristu ba ema seluk iha tempu saida de’it atu ita sai sensível liu tan ba misaun importante ida hanesan manu-ain ba Lia-foun diak.