3a Semana Tempu Kuaresma, Kuarta-feira, loron 15, fulan Marsu, 2023 March 15, 2023
Reflection on the WORD
Maluk sira mak Kristu hadomi,
“Na’i Maromak nia Reinu – Fiar” : Iha evangelho ohin nian, Jesus lia tun ba nia apóstolu sira, “Se mak kontra lei, ou se mak rai no hanorin ema seluk atu halo hanesan, sei kiik liu ou boot liu iha Na’i Maromak nia Reino. Reflete; “Ita sai testumunha ka la’e ba Na’i nia domin iha Kristu nia evangelho lor-loron? Na’i Maromak haksolok ka la’e ho ita nia maneira moris lor-loron nian?”
Fr. Philip Heng, S.J.
Mt 5:17 - 19
Ukunfuan tuan no foun
17“Imi keta hanoin katak Ha'u mai atu halakon tiha ukunfuan no profeta sira; Ha'u mai la'os atu halakon, maibe atu halo tuir lolos. 18Tebes, Ha'u dehan ba imi: maski lalehan no rai lakon, ukunfuan nia baluk ida mos sei la lakon, sei kumpri hotu. 19Ne'e duni, ema nebe la halo tuir ukunfuan sira ne'e ida, maski kiik liu, hodi hanorin nune'e ba ema, ema sei hanaran nia sei kiik liu iha reinu lalehan. Maibe ema nebe halo tuir hodi hanorin mos ema seluk, ema sei hanaran nia boot iha reinu lalehan.
Today's Pointers on God's Word
As you read the passage what words, phases or meanings caught your attention?
- · Wainhira ita prátika ita nia fiar, iha tentasaun atu sai seletivu, hodi haluha tiha apestu balun hanesan : antigu, exigente no moralístiku.
- · Iha evangelho ohin nian, Jesus asegura ita katak Nia la’os mai atu halakon mandamentu sira, maibé Nia mai atu kumpre lei sira ne’e no foti lei sira ne’e ba nível espiritual ida ne’ebé as liu.
- · Ita desafia ka la’e ita nia-an hodi hakat liu saida mak ita gosta ou la gosta, no koko atu husik Na’i Maromak no Igreja nia sabedoria atu lori ita ba lia-los ne’ebé Jesus haklaken? Reza ba grasa atu loke-an ho sinceridade atu bele hadomi Na’i Maromak iha ita nia moris lor-loron.