2a Semana Tempu Kuaresma, Sexta-feira, loron 10, fulan Marsu, 2023 March 10, 2023

Reflection on the WORD

Maluk sira mak Kristu hadomi,

“Ganância/Kanten” – Fiar : Iha evangelho ohin nia, Jesus proklama kona-bá aiknanoik “To’os Uvasno nia Na’in” atu desafia Escriba sira no Ema katuas sira hodi reflete kona-bá sira nia ganância/kanten ba material mundu nian, poder no arognasia. Reflete; “Ita iha maneira oin-oin komete ka la’e pekadu sira hanesan ne’e? Reza ba espíritu sabedoria nian atu bele imita Kristu no goza Na’i Maromak nia paz lolos.”

Fr. Philip Heng, S.J.

Mt 21:33 – 38, 42 - 43

To’os atan aat

            33“Rona tan aiknanoik ida ne’e. Ema ida kuda uvas iha to’os ida. Hale’u tiha ho lutu, nia ke’e fatin sama uvas ida iha to’os laran hodi harii uma aas ida; nia saran ba ema sira, hafoin nia ba rai dook ida. 34To’o tempu atu ku’u uvas nian, nia haruka nia atan atu ba husu buat nebe monu ba nia. 35Maibe ema sira ne’e kaer atan sira, baku ida, oho ida seluk, tuda ida seluk tan. 36Tuir mai nia haruka tan atan sira seluk, barak liu fali sira uluk, maibe ema sira halo mos nune’e ba sira. 37Ikus mai nia haruka nia oan rasik hodi dehan: ‘Sira sei hamtauk ha’u nia oan.’ 38Maibe hare tiha nia oan, ema sira dehan ba malu: ‘Ida ne’e mak liman rohan na’in. Ita oho nia ba, atu ita sei manan nia liman rohan.’ 42Jesus dehan ba sira: “Imi seidauk le’e Eskritura sira, ‘Fatuk nebe badaen sira hewai nakfila fali ba fatuk inan? Ne’e, buat nebe Na’i halo, kmanek tebes duni ba ita matan.’”

            43“Tan ne’e Ha’u dehan ba imi katak Maromak nia reinu sei hasai tiha housi imi hodi fo fali ba povu ida nebe sei fo fuan.”

Today's Pointers on God's Word

As you read the passage what words, phases or meanings caught your attention?

  • ·       Iha Evangelho ohin nian Jesus ko’alia kona-bá fiar ne’ebé mak Maromak iha ba humanidade, liu husi responsabilidade atu tau matan ba Na’i nia “toos uvas” nian ida ne’ebé mak ita nia fiar, Nia Igreja no kriasaun tomak iha mundo ne’e.
  • ·       Maski Nai Maromak fó mai ita previlegio no liberdade atu tau matan ba Na’i nia “toos uvas”, dala barak ita koko Na’i Maromak nia paciência no domin liu husi ita nia irresponsabilidade no dalan pekadu sira.
  • ·       Reflete iha ita nia moris no husu ba ita nia-an, “ Ita responsável ka la’e iha tau matan ba Na’i Maromak nia presente sira iha ita nia moris? Oinsa mak ita bele muda ita nia atitude no maneira moris nian hodi bele sai responsável liu tan ba Na’i nia presente sira mai ha’u?”