2a Semana Tempu Kuaresma, Kinta-feira, loron 09, fulan Marsu, 2023 March 9, 2023
Reflection on the WORD
Maluk sira mak Kristu hadomi,
“Konsiênsia” - Fiar : Iha evangelho ohin nian, Jesus lia tun ba Fariseu sira, kona-bá ai knanoik “Ema riku no Lazarus” atu desafia sira hodi tau matan ba justisa no respeitu ema kiak no mukit. Reflete; Ita iha ka la’e konsiênsia kona-bá sofrimentu boot sira existe iha mundu ne’e? Se iha, saida mak Na’i Maromak hanoin kona-bá buat sira ne’ebé ita rasik halo ba sira?”
Fr. Philip Heng, S.J.
Lk 16:19 - 26
Ema riku karakten
19“Ema riku ida hatais mesak mean furak ho kabas lahan lotuk. Loron loron nia halo festa boot. 20Ema kiak ida naran Lazaro tur hela iha nia odamatan. 21Kiak ne’e hakarak hili etu mumun housi riku nia meja okos; asu sira mai belo nia kanek sira. 22Loron ida ema kiak ne’e mate, Maromak nia anju sira lori nia ba hamutuk ho Abraao. Ema riku ne’e mos mate, ema hakoi nia. 23Terus barak iha infernu, ema riku ne’e foti matan hodi hare housi dook Abraao ho Lazaro hamutuk ho nia. 24Iha oras ne’e nia hasa’e lia maka’as dehan: ‘Ha’u aman Abraao, sadia atan ha’u! Haruka netik Lazaro atu habokon nia limanfuan rohan iha be laran, hodi mai halo malirin ha’u nia nanal, basa ha’u terus la diak iha ahi ne’e!’ 25Abraao hatan: ‘Oan, hanoin ba katak o simu ona o nia diak iha o nia moris tomak; Lazaro fali simu mak susar deit. Oras ne’e Lazaro hetan ksolok; o fali hetan terus boot. 26Hafoin, housi ami ba imi mos rai kuak boot haketak ita: nune’e ami ida hakarak karik liu ba imi, la bele; imi ida hakarak hakat karik mai ami, mos la bele.’
Today's Pointers on God's Word
As you read the passage what words, phases or meanings caught your attention?
- · Iha evangelho ida ne’e, ema riku ne’e nia kastigu la’os tamba nia iha rikusoin maibé tamba pecado de omissaun, tamba nia la halo diak. Hodi lolo liman atu tulun Lazarus.
- · Wainhira Na’i Maromak haraik bensa ba ita ho rikusoin iha ita nia moris, atu ita iha responsabilidade hodi tau matan ba rikusoin ne’e, especialmente hodi tulun ema kiak no sira ne’ebé presiza. Wainhira ita hasoru Maromak iha odamatan lalehan, Nia sei husu, “ ita fahe ona ka la’e ita nia bensaun no rikusoin ho ema kiak sira?”
- · Wianhira ita fahe Na’i nia bensaun ho ema seluk ne’ebé presiza tebes, ita tenki halo tamba ita nia domin ba Maromak; la’os egoisticamente atu hamenus ita nia kulpa sira.