1a Semana Tempu Kuaresma, Sábado, loron 04, fulan Marsu, 2023 March 4, 2023
Reflection on the WORD
Maluk sira mak Kristu hadomi,
“Inimigo” – Fiar : Iha evangelho ohin nian, Jesus lia tun ba Nia discípulo sira, “hadomi o nia inimigo sira no reza ba sira ne’ebé persegue ka duni ita.” Reflete; “ Na’i Maromak nia Misericordia no Domin compaixão fahe ho ema maksalak no santo hanesan. Ita nia domin ba Maromak tenki kle’an hanesan ho Jesus nia domin, wainhira ita bele hadomi ita nia inimigo sira.”
Fr. Philip Heng, S.J.
Mt 5:43-48
Domin ba funubalun sira
43“Imi rona ema uluk dehan: ‘Hadomi o nia maluk, rai odi hasouru o nia funubalun.’ 44Ha'u fali dehan ba imi: ‘Hadomi imi nia funubalun sira, harohan ba sira nebe hanehan imi, 45atu imi sai imi Aman iha lalehan nia oan sira. Basa Nia halo loron sa’e ba ema aat no ba ema diak, halo mos udan ben tun ba ema laran los no ba ema laran la los. 46Basa imi hadomi karik ema nebe hadomi imi, imi sei simu kolen nebe? Publikano sira mos halo nune’e. 47Imi kumprimenta deit imi nia maun alin sira, imi halo buat foun sa ida? Ema gentiu sira mos la halo hanesan ne'e? 48Ne’e duni, imi sai diak los ba, hanesan imi nia Aman iha lalehan diak los.’”
Today's Pointers on God's Word
As you read the passage what words, phases or meanings caught your attention?
- Ita sei la sai perfeito wainhira sei iha mundo, maibé evangelho ohin nia, Jesus husu ita atu hakas-an hodi bele sai perfeito hanesan Na’i Maromak ne’ebé perfeito.
- Jesus hanorin mai ita katak, ita hotu Maromak oan. Tamba ne’e iha iha ita nia relasionamentu ho ema seluk tenki reflete Maromak nia domin ne’ebé Nia hakarak ita atu hatudu ba malu.
- Reflete kona-bá ita nia relasionamentu ho ema seluk no husu ba ita nia-an, “Kristu nia hanorin ida ne’ebé mak difícil ba ita atu moris tuir lor-loron? Karik kona-bá perdua ema sira ne’ebé hakanek ita? Ou preokupasaun ho ita nia liberdade, konfortu, ita nia imagem? Reza ba forsa husi Espíritu Santu nian hodi hetan dalan ba perfeisaun.