1a Semana Tempu Kuaresma, Sexta-feira, loron 03, fulan Marsu, 2023 March 3, 2023

Reflection on the WORD

Maluk sira mak Kristu hadomi,

“Retidão” – Fiar : Iha evangelho ohin nian, Jesus proklama ba nia discípulo sira katak sira nia “retidão” tenki merese duni iha Reino Lalehan.” Reflete; “Ita nia fiar, tenki sai testemunha ne’ebé kle’an liu fali sira ne’ebé seidauk hatene Liafoun Diak salvasaun nian” tamba Kristu nia espírito fó naroman no forsa mai ita, atu bele imita no sai hanesan Nia.”

Fr. Philip Heng, S.J

Mt 5:20 - 24

20Basa ha'u dehan ba imi katak imi nia justisa la boot liu eskriba no fariseu sira nian karik, imi sei la tama iha reinu lalehan.”

            21“Imi rona katak uluk ema dehan ba ita nia bei ala sira: ‘Keta oho; no ema sei tesi lia ba ida nebe oho.’  22Ha'u fali dehan ba imi; ‘Ema nebe laran nakali hasouru nia maun alin sira, ema sei tesi lia hasouru nia; ema nebe dehan ba nia maun alin: ‘beik’ sei hatan iha Sinedriu; no ema nebe dehan ‘bulak’ sei trus iha ahi infernu nian.’ 23Ne'e duni, wainhira o atu hasa'e o nia buat karan iha altar no hanoin fali iha neba katak o nia maun alin iha buat ruma hasouru o, 24husik lai o nia buat karan iha altar oin hodi ba uluk dame malu ho nia, hafoin mai hasa'e o nia buat karan.

Today's Pointers on God's Word

As you read the passage what words, phases or meanings caught your attention?

  • ·       Jesus fó hanoin mai ita kona-bá ita nia hirus tamba nia efeito ne’ebé ladiak, moris iha ita nia laran no lakoi atu mate. Hirus sei halo ita hasai liafuan sira ne’ebé hakanek no lori ba aksaun sira ne’ebé ita sei arrepende.
  • ·       Nai Maromak sempre perdua ita nia pekadu sira wainhira ita arrepende. Nune’e mós Nia hakarak ita atu sai misericordioso ba ema seluk. Ho Maromak nia grasa de’it mak sei lori liberdade ba ita nia fuan no hanoin, hadook ita husi loko-an, hirus no vingansa.
  • ·       Iha karik ema ruma ne’ebé ita boot hirus? Reza ba rekonsiliasaun iha relasionamentu ida ne’e. Husu grasa Na’i nian atu bele livre husi hirus no ense ita nia fuan no hanoin ho Na’i nia domin kompaisaun atu bele perdua ema sira ne’ebé halo aat hasoru ita.