1a Semana Tempu Kuaresma, Kinta-feira, loron 02, fulan Marsu, 2023 March 2, 2023
Reflection on the WORD
Maluk sira mak Kristu hadomi,
“Ita nia necessidade sira” – Fiar: Iha evengelho ohin nian, Jesus promete ba nia discípulo sira katak saida de’it mak sira “husu” no “buka” ba sira nia fiar, Na’i Maromak sei la falha atu responde iha Nia pessoal, Misericórdia no Compaixão. Reflete; “ Iha Na’i Maromak nia sabedoria, Nia sempre fó buat ne’ebé diak ba ita ... Fiar no hadomi Na’i Maromak ho ita nia fuan tomak.”
Fr. Philip Heng, S.J.
Mt 7:7 - 12
Orasaun nia folin boot
7“Husu ba, imi sei simu; buka ba, imi sei hetan: tuku odamatan ba, odamatan sei nakloke ba imi. 8Basa ema nebe husu sei simu; ema nebe buka sei hetan; no ba ema nebe baku odamatan, odamatan sei nakloke ba nia. 9Imi ida nebe, wainhira nia oan husu paun, sei fo fatuk ba nia? 10Ka, wainhira husu ikan, sei fo samea ida ba nia? 11Ne'e duni, imi sira nebe aat hatene fo buat diak ba imi nia oan sira, liu tan mak imi nia Aman iha lalehan sei la fo buat diak ba sira nebe husu ba Nia!”
12“Ne'e duni, buat hotu nebe imi hakarak ema halo ba imi, imi mos halo ba sira; basa ne'e mak ukunfuan no Profeta sira.”
Today's Pointers on God's Word
As you read the passage what words, phases or meanings caught your attention?
- · Kristu hanorin ita atu reza ho konfiansa. Nia dehan mai ita katak, ita iha Aman lalehan ne’ebé kosntantemente no gracioso hodi responde ba ita nia harohan sira liu fali ita nia espektasaun.
- · Atu ita ho laran metin hakbesik ba ita Aman lalehan tamba Nia diak no domin ba ita, Nia sempre responde ita harohan sira, maibé iha Nia sabedoria sei fó mai ita buat ne’ebé mesak furak.
- · Jesus hakarak ita atu reza ba buat kmanek sira iha ita nia moris. Ita tenki respeita no hadomi ema hotu hanesan; inklui ema sira ne’ebé la konkorda ho ita, hakanek ita no iha visaun ne’ebé la hanesan ho ita. Husu grasa ba Na’i atu bele hadomi no nakloke ba ema seluk.