6a Semana Tempu Komun: Kinta-feira, loron 16, fulan Fevereiro, 2023 February 16, 2023
Reflection on the WORD
Maluk sira mak Kristu hadomi,
“Se mak Jesus?”- Fiar: Iha evangelho ohin Jesus husu Nia eskolante sira hodi dehan “ema sira dehan katak ha’u se los?” importante liu mak Nia husu ba sira “maibé imi dehan ha’u se los?” Reflete ba! “ita koñese Jesus pessoalmente no intimamente (besik liu), ka Jesus la ezisti, dook no la relevante iha ita nia moris lor-loron? Se nune’e karik, reza no husu grasa atu hatene Jesus pessoalmente.
Fr. Philip Heng, S.J.
Mk 8:27-33
Pedro nia lia sasin
27Jesus no nia eskolante sira la'o ba knua sira Sesareia Filipe nian. Tuir dalan, Nia husu Nia eskolante sira hodi dehan: “Ema sira dehan katak Ha’u se los?” 28Sira hatan, “Joao Baptista; balun Elias, seluk fali, ema duina ida.” 29Hafoin Nia husu sira, “Imi dehan Ha’u se los?” Pedro hatan, “Ita boot mak Kristu.” 30Jesus haruka sira la bele koalia ba ema ida kona ba Nia.
Jesus koalia kona ba Nia terus no mate
31Tuir mai, Nia hahu hanorin sira: Oan Mane sei terus barak. Katuas sira no amlulik boot sira ho eskriba sira sei hakribi Nia, sei oho Nia, maibe liu loron tolu Nia sei moris hi’as. 32Nia fo hatene sai mo-mos ida ne'e kedas ba sira. Pedro hadook Nia housi sira nia maluk hodi haksi’ak Nia. 33Maibe Nia fila ba kotuk, hateke ba nia eskolante sira no si’ak Pedro dehan: “Ba Ha’u nia kotuk, Satanas, basa o la hanoin buat nebe Maromak nian maibe buat nebe ema sira nian.”
Today's Pointers on God's Word
As you read the passage what words, phases or meanings caught your attention?
- · Ema normalmente rekoñese Jesus hanesan profeta ne’ebé halo milagre ho kbi’it boot teb-tebes, no hanesan ema ne’ebé santu Maromak Nian. Ema barak fali dehan Jesus mak João Batista, ema balun dehan Jesus mak Elias no ema balun tan dehan Nia mak profeta ida entre profeta sira seluk.
- · Jesus liu fali titulu sira mensiona iha leten ne’e. Nia mak “Kristu, Salvador mundu nian.” Ho Nia kbi’it lalehan nian, Jesus soi ita liuhusi nia terus no mate iha kruz lolon. Nia manan salan no mate no loke odamatan lalehan nian ba ita nia ksolok rohan laek.
- · Reflete; kona-bá perguntas ne’ebé Jesus husu ba Nia eskolante sira no ba ita pessoalmente, “imi dehan ha’u ne’e se los?” hafoin husu ita-an rasik, oinsa ita tenki transforma ita nia moris hodi nune’e ita bele sai hanesan liu tan ho Kristu.