5a Semana Tempu Komun: Tersa-feira, loron 7 fulan Fevereiro 2023 February 7, 2023
Reflection on the WORD
Maluk sira mak Kristu hadomi,
“Hipokrisia (munafik)”- Obediensia?: Iha evangelho ohin Jesus dezafia Farizeu no eskriba sira atu moris tuir espíritu los lei Sábadu nian no laos moris ho fiar hipokritik hodi la halo tuir buat ne’ebé sira koalia no obzerva (serbi iha ibun-tutun de’it). Reflete, Sa los mak ita nia dezafius ne’ebé maka’as teb-tebes iha ita nia moris atu ita prátika ita nia fiar? Ita aseita atu moris tuir ita nia vontade duke moris tuir Maromak Nia hakarak?
Fr Philip Heng, S.J.
Mk 7:1-2,5-8
Bei ala sira nia hanorin
1Loron ida, eskriba no fariseu balun mai housi Jerusalem, hakbesik an ba Jesus. 2Sira hare katak Nia eskolante sira han paun ho liman foer, katak seidauk fase liman. 5Tan ne'e fariseu no eskriba sira husu ba Nia, “Tan sa O nia eskolante sira la tuir bei ala sira nia lisan, maibe sira han paun ho liman foer?” 6Nia lia tun ba sira, “Profeta Isaias koalia lo-los duni kona ba imi, ema laran makerek sira, wainhira nia hakerek dehan: ‘Povu ne'e hanai Ha’u ho ibun tutun deit, maibe nia laran dook liu housi Ha’u. 7Sira hahi Ha’u le’et deit, maibe buat nebe sira hanorin mesa ema nian.’ 8Husik tiha Maromak nia ukunfuan, imi tuir fali ema nia lisan.”
Today's Pointers on God's Word
As you read the passage what words, phases or meanings caught your attention?
- · Dala barak ona mak ita sai mos hanesan Farizeu sira iha pasajen ida ne’e? Dala barak ona mak ita ba Igrjea de’it iha loron domingo sira, hananu kántitu sira hodi hahí no hana’i Maromak no fila fali ba uma sein fo espasu ba espíritu hodi muda ita nia fuan?
- · Ita halo serbisu ba Maromak tenki ultrapasa orasaun sira ne’ebé ita reza, signifika ita la’os reza de’it maibe ita nia orasaun tenki hatudu nia rezultadu liu hosi ita nia knaar hodi serbí Maromak. Ita tenki hanoin katak ita nia knaar hodi serbí Maromak laos ritual ka responsibilidade de’it, maibe onra ida atu hahí no agradece Maromak ne’ebé hadomi ita teb-tebes.
- · Reflete ba, ita serbí Maromak ho neon ho laran tomak ka ita serbí de’it ita nia-an? Ita tenki hatuur Maromak nudar foku sentral, laos ita nia-an.