4ª Semana Tempu Komun: Domingo, loron 5 fulan Fevereiro 2023 February 5, 2023
Reflection on the WORD
Maluk sira mak Kristu hadomi,
“Valor moris lolos”- Fiar :Iha evangelho ohin, Jesus lia-tun ba nia eskolante sira dehanimi mak “masin rai nian” no naroman mundu nian”.Tan ne’e ita ida-idak iha “objektivu ne’ebé los”iha ita nia moris. Reflete, nudar Kristaun, la to’o ba ita atu simplesmente halo di’ak de’it; Ema hosi fiar seluk/relijiaun seluk mos halo ida ne’e. Ita hetan chamada atu radikalmente moris tuir Kristo Nia dalan no hanorin.
Fr Philip Heng, S.J.
Mt 5:13-16
Eskolante sira nia knaar.
13“Imi masin rai nian, maibe masin lakon karik nia mer, oin sa los mak sei hamer fali nia? Nia la soi ona ba buat ida; masin ne’e soi deit atu soe ba liur atu ema sama nia. 14Imi mundu nia roman. Sidade nebe harii iha foho leten la bele subar an. 15Ema la sunu lakan ahi oan hodi tau iha okos, maibe tau iha ahi oan fatin atu leno ema hotu iha uma laran. 16Nune’e, imi nia roman sei nabilan mos hanesan ne'e iha ema sira oin, atu sira hare imi nia hahalok diak sira no hahi imi nia Aman iha lalehan.”
Today's Pointers on God's Word
As you read the passage what words, phases or meanings caught your attention?
- · Masin uza ba funsaun esensial rua: nia prezerva hahan no fo sabor. Ema Kristaun iha knar atu sai masin ba sociedade katak prezerva, rekonsilia, aumenta sabor no fo esperansa wainhira la iha esperansa.
- · Ema Kristaun sira sai lampu ba mundu ne’ebé nakukun. Ita labele koko atu subar naroman ne’ebé Maromak haroman ona iha ita nia moris. Diak liu ita tenki sai naroman atu nune’e ema seluk bele hare ita nia hahalok di’ak no hahí Maromak.
- · Sai naroman la signifika halo propaganda ba an rasik, publika an rasik ka glorifika an raisk. Ne’e signifika fo fuan/rezultado ba ita nia moris, lori moris no naroman ba ita nia maluk sira seluk. Nune’e de’it mak ema seluk bele hatene Maromak Nia di’ak.