DGEMs

Maluk sira mak Kristu hadomi,

Fiar no Esperansa: Iha evangelho ohin, profeta Simeon iha fiar ne’ebé boot teb-tebes katak nia sei hare Messias molok nia mate. Nia moris lor-loron ho esperansa katak nia mehi ne’e sei sai realidade. Reflete; ita nia fiar iha Maromak mos hodi espera katak ita sei esperimenta Maromak Nia konsolasaun espiritual maka’as ne’ebé sei transforma ita nia moris totolmente? Ita esperimenta prezenti divina ne’e?

Pe. Philip Heng, S.J.

Jesus nia aman no inan lori Nia ba templu

            22Liu tiha tempu sira nia hamos an nian, tuir Moises nia ukunfuan, sira lori Nia ba Jerusalem atu saran Nia ba Na’i, 23nudar hakerek iha Na’i nia ukunfuan, katak “Oan mane boot ida-ida sei hanaran an Na’i nia santo,” 24no mos atu hasa’e, nudar buat karan, manu falur rua eh manu pombu oan rua, nudar Na’i nia ukunfuan haruka. 25Ema ida naran Simeao horik iha Jerusalem. Nia ema los nebe hamtauk Maromak hodi hodi hein Israel nia ksolok, no Espiritu Santu horik ho nia. 26Nia simu lia housi Espiritu Santu katak nia sei la mate molok nia hare Na’i nia Kristu. 27Espiritu lori nia ba templu. Wainhira Jesus nia aman no inan lori Kosok Oan Jesus atu halo tuir ukunfuan, 28nia simu Kosok Oan ne’e iha nia liman, hodi hahi Maromak dehan:

Simeao nia knananuk

29 “Na’i, oras ne’e Ita Boot husik ona

    Ita atan ba iha dame, tuir Ita nia liafuan;

30basa ha’u nia matan hare ona Ita nia Maksoin

    31nebe Ita Boot hadia ba povu hot-hotu nia oin:

32naroman atu leno gentiu sira

    no povu Israel nia gloria.”

34Simeão fo bensa ba sira, hodi dehan ba nia inan Maria: “Hare ba, labarik ne’e mosu mai atu hatun no foti ema barak iha Israel, no mos atu sai sinal lia la tuir malu nian; 35no surik ida sei sona borus ita nia fuan atu fo sai buat nebe ema barak hanoin iha sira nia laran.”