DGEMs

Maluk sira mak Kristu hadomi,

Maromak Horik ho Ita:Iha selebrasaun Natal ohin, ita haksolok tanba Maromak hili ona hodi moris nu’udar ema ida. Kosok Oan Jesus hahú moris fizikamente iha ita nia mundu nune’e atu oferese mai ita Prezenti Divina Moris Rohan Laek nian. Reflete; ita nia moris lor-lorontotalmente sei la iha sentidu wainhira Jesus la iha. Nune’e mai ita haksolok no fo glória ba Maromak iha ita nia moris.

Pe. Philip Heng, S.J.

6Wainhira sira sei iha neba, Maria nia loron atu tur ahi to’o dau-daun. 7Nia tur ahi nia oan mane boot, hodi haneras no hatoba nia iha balada han fatin, basa la iha fatin oan ida ba sira iha uma laran.

8Iha fatin neba iha bibi atan balun, nebe kalan kalan hein sira nia bibi iha rai luan. 9Na’i nia anju mosu ba sira. Maromak nia gloria nabilan iha sira le’et. Sira hakfodak teb-tebes. 10Tuir mai anju dehan ba sira: “Imi keta tauk, basa ha’u lori liafoun diak ida ba imi, nebe sei haksolok mos povu tomak: 11ohin iha David nia sidade, foin moris ba imi Maksoin ida, katak Kristu Na’i. 12Sinal ba imi mak ne’e: imi sei hetan kosok oan ida haneras no toba iha balada han fatin.” 13Teki-teki anju lubun boot ida halibur hamutuk ho anju ne’e hodi hahi Maromak dehan: 14“Gloria ba Maromak iha leten aas ba, dame iha raiklaran ba ema sira nebe Nia hadomi!”