4a Semana do Advento: Kinta-feira, loron 22 fulan Dezembru, 2022 December 22, 2022

Reflection on the WORD

Maluk sira mak Kristu hadomi,

“Magnificat (Knanuk)” Maria nian-Fiar: Iha evangelho ohin, Maria haklaken nia fuan ne’ebé nakonu ho knananuk hahi no ksolok Maromak Nian. Nia iha inspirasaun profétika no haraik-an sira. Reflete; haraik-an lolos mak haklaken no moris tuir verdade no domin Maromak Nian ho ksolok maski iha dezafius boot ne’ebé ita hasoru hela iha moris. Mai ita harohan ba Maromak atu ita sai hanesan Maria iha ita nia moris lor-loron.

Pe. Philip Heng, S.J.

Lk 1:46-56

Maria nia knananuk
“Ha’u klamar hahi Na’i,

47ha’u neon haksolok

    iha Maromak ha’u Maksoin.

48Basa Nia hare nia atan feto nebe folin laek.

    Tebes duni, houri ohin ba oin

    Ema hotu sei dehan ha’u rahun diak.

49Basa Ida nebe bele buat hotu

    halo buat kmanek wa’in tebes mai ha’u.

    Nia naran santu.

50Nia laran luak houri otas

    ba sira nebe hamtauk Nia.

51Nia hatudu nia liman nia kbiit,

    hodi halakon ema loko an sira.

52Nia hamonu ukunna’in sira

    housi sira nia tur fatin,

    hodi foti fali ema kiik sira.

53Nia haraik buat diak hotu ba ema mukit sira,

    hodi haruka ema riku sira

    ba ho liman mamuk.

54Nia tau matan ba nia atan Israel

    hodi hanoin fali nia laran luak,

55tuir lia menon nebe Nia hakotu ona

    ba ita nia bei ala sira,

    ba Abraao no nia bei oan sira ba nafatin.”

56Maria hela ho Isabel besik fulan tolu, hafoin fila fali ba nia uma.

Today's Pointers on God's Word

As you read the passage what words, phases or meanings caught your attention?

  • ·       Iha Maria nia knananuk (magnificat) kmanek orasaun, Maria haklaken Maromak nudar nia Salvador, hanesan ema ida ne’ebé fiel ba nia promesas, ema ida ne’ebé mizerikordiozu, no ema ne’ebé halo buat boot ba Maria no ema hot-hotu.
  • ·       Maromak sei tau matan ba Nia emar sira ho maneiras ne’ebé mundu sekular labele fó. Nia sei halakon ema (fuan) loko an sira, foti fali sira kbiit laek, fo han sira kbiit laek, mai hodi fo tulun ba sira ne’ebé mukit no fiel ba Nia promesas.
  • ·     Oinsa ita kolabora ho Grasa Maromak Nian hodi halo buat sira ne’e mosu iha ita nia moris?