DGEMs

Maluk sira mak Kristu hadomi,

Maria nia Vizitasaun-Fiar: Iha evangelho ohin, Maria nia hatan lalais ba Maromak Nia mensajen kona-bá Isabel kous kosok oan, dezafia ita hodi responde lalais ho aten barani no ho fiar iha kualker momentu wainhira Espíritu Santu inspira ita hodi halo tuir Maromak Nia Hakarak. Reflete; ita tau konfiansa kle’an tebes iha Maromak ka ita kaer metin ita nia conforto sira no maneiras moris nian ne’ebé la halo ita fiar metin ba Maromak?

Pe. Philip Heng, S.J.

Maria ba haré Isabel

            39Iha loron hirak neba Maria hiit an lalais ba foho, ba knua ida iha Juda. 40To’o tiha Zacarias nia uma, nia kumprimenta Isabel. 41Wainhira Isabel rona Maria nia lia, kosok oan book an iha nia knotak ho ksolok. Nakonu ho Espiritu Santu, 42Isabel koalia ho lia makaas dehan: “Ita boot diak liu feto hot-hotu! Ita boot nia oan diak liu! 43Be ha’u se los atu ha’u Na’i nia inan hiit an mai ha’u nia uma? 44Basa, ita lia kumprimento nian to’o tiha iha ha’u tilun, kosok oan book an ho ksolok iha ha’u knotak. 45Rahun diak ba ida nebe fiar katak lia nebe Na’i hateten sei sai tuir los duni.”