4a Semana do Advento: Tersa-feira, loron 20 fulan Dezembru, 2022 December 20, 2022
Reflection on the WORD
Maluk sira mak Kristu hadomi,
Fiar - Surprezas:Iha evangelho ohin, Maria hakfodak teb-tebes ho anju Gabriel nia liafuan katak Maromak hili ona Maria hodi sai Maromak Nia oan Mane Nia Inan liu husi Espíritu Santu Nia kbi’it. Reflete; Na’i Maromak halo surpreza boot ba ita tanba Nia bolu ita hodi halo tuir Nia hakarak? Saida mak Ita nia resposta? Harohan ba graca sabedoriahodi halo tuir Maromak Nia hakarak.
Pe. Philip Heng, S.J.
Lk 1:26-33,38
Anju Gabriel fo hatene ba Maria katak Jesus atu moris
26Iha fulan neen, Maromak haruka anju Gabriel ba knua ida Galileia nian, naran Nazare, 27ba fetoran ida nebe hakotu tiha ona ba mane ida naran Jose, housi David nia umakain; fetoran ne’e naran Maria. 28Tama tiha iha uma, anju dehan: “Rahun diak, feto kmanek wa’in tebes! Na’i ho ita!” 29Rona tiha lia ne’e, nia laran taridu hodi husu ba nia an rasik kumprimentu ne’e katak sa los. 30Anju dehan ba nia: “Keta tauk, Maria; basa o hetan rahun diak tebes iha Maromak futar oin. 31O sei ko’us no tur ahi oan mane ida. O sei hanaran Nia Jesus. 32Nia sei sai ema boot; ema sei hanaran Nia Na’i aas liu hotu nia Oan. Na’i Maromak sei haraik ba Nia nia aman David nia kadunan. 33Nia sei ukun Jacob nia umakain ba nafatin; nia ukun sei rohan laek.” 38Maria dehan: “Ne’e sa, Na’i nia atan oan mak ne’e. Halo tuir ita liafuan ba!” Hafoin anju husik nia.
Today's Pointers on God's Word
As you read the passage what words, phases or meanings caught your attention?
- · Maria mak modelu eskolante ne’ebé perfeita entre eskolnate sira seluk. Nia hatan ba konvite divina no moris tuir nia liafuan “Na’i ha’u mak ne’e” fielmente iha tempu hot-hotu maski wainhira Maromak Nia hakarak imposivel atu hala’o ka realiza.
- · Maria tau konfiansa tomak iha Maromak katak Nia sei haraik graça abundansia ba ema hotu ne’ebé barani simu hodi halo tuir Nia hakarak.
- · Wainhira Maromak husu buat ruma ba ita, Nia mós fó tulun, kbiit hodi responde no hala’o buat ne’ebé Nia husu. Ita bele hili atu responde obidientemente ba Maromak Nia konvite ka resisti no rejeita Na’i Nia hakarak no la’o tuir ita nia dalan. Oinsa ita hatan ba Maromak Nia liafuan korajen sira?