3ª Semana do Advento: Sesta-Feira, loron 16 fulan Dezembru, 2022 December 16, 2022

Reflection on the WORD

Maluk sira mak Kristu hadomi,

Jesus mak Messias: Iha evengelho ohin, Jesus liatun ba Judeu sira katak João Baptista mak lampu ne’ebé leno hela no Jesus rasik mak Messias ne’ebé ema hein hela, ne’ebé oferese Liafuan Dia’k salvasaun nian. Reflete; ema barak hare ba ‘maromak’ seluk iha sira nia nesesidades no dezesperu, puezemplu supertisaun, hodi la simu Jesus lolós hanesan Maromak lolós salvasaun rohan laek.

Pe. Philip Heng, S.J.

Jn 5:33-36

33Wainhira imi haruka ema ba Joao, nia fo sasin kona ba lialos. 34Ha’u la simu lia sasin housi ema ida, maibe Ha’u dehan buat hirak ne’e atu imi hetan maksoin. 35Joao mak ahi oan nebe lakan no hodi fo naroman, no imi hakarak haksolok oras ida iha nia naroman. 36Maibe Ha’u iha sasin nebe boot liu fali Joao nian, tamba hahalok sira nebe Aman fo mai Ha’u atu hala’o, hahalok sira ne’e fo sasin kona ba Ha’u katak Aman mak haruka Ha’u mai.

Today's Pointers on God's Word

As you read the passage what words, phases or meanings caught your attention?

  • ·    Jesus mak ahi ne’ebé fó naroman mai ita nia moris nudar Kristaun. Ha’u esperimenta Jesus Nia Naroman ne’ebé leno ho nabilan iha ha’u nia moris?

     

  • ·    Hanesan Jesus Nia eskolante sira ne’ebé mak sai naroman mundu nian, Maromak bolu ita atu lori naroman ne’e ba ema seluk. Ha’u nia moris sai ona naroman ba ema seluk ka la’e?
  • ·    Ha’u hetan dezafiu hodi sai naroman Kristu nian ba ema seluk iha ha’u nia moris ohin? Ema sira ne’e se? Oinsa ha’u bele sai naroman ida ne’e iha maneira ne’ebé konkretu? Saida mak Maromak konvida ha’u atu halo agora?