DGEMs

Maluk sira mak Kristu hadomi,

João Baptista-Fiar: Iha evangelho ohin, Jesus hateten ba ema lubun boot sira katak prezente divina boot teb-tebesmak simu fiar salvasaun nian hosi Maromak Nia Reinu. Nune’e João Baptista mai hodi prepara ema sai receptivo ba prezente divina ne’e. Reflete; ita simu prezente fiar Maromak nian no bensaun sira ho gratidaun ka ita la valoriza fiar no bensaun sira nebé ita simu?

Pe. Philip Heng, S.J.

24Wainhira Joao nia eskolante sira ba tiha ona, Jesus hahu koalia ba povu kona ba Joao: 25 “Imi ba hare sa ida iha rai fuik maran? Fafulu ida nebe leok iha anin? Imi ba hare sa ida? Ema ida nebe hatais mesa furak? Hare ba, sira nebe hatais furak no moris diak hela iha ema boot sira nia uma. 26Ne’e duni, imi ba hare sa ida? Profeta ida? Ne’e los; maibe Ha’u dehan ba imi katak nia boot liu fali profeta ida. 27Kona ba ema ne’e hakerek tiha ona: ‘Hare ba, Ha’u haruka ha’u nia manuain atu la’o uluk O, atu hadia dalan ba O.’ 28Tebes Ha’u dehan ba imi, iha feto nia oan sira le’et la iha ida nebe boot liu fali Joao; maibe ida nebe kiik liu iha Maromak nia reinu, ema ne’e boot liu fali nia.” 29Ema hotu nebe rona Joao, no mos publikanu sira, hahi Maromak hodi simu nia baptismu; 30maibe fariseu sira no doutor ukunfuan  sira nian, hodi la simu baptismu housi Joao, halo le’et deit Maromak nia planu ba sira.