DGEMs

Maluk sira mak Kristu hadomi,

 Dezafia Jesus nia autoridade - Fiar: Iha evangelho sira, ema sira neb’e iha autoridade iha templu dezafia Jesus Nia autoridade(kbi’it) atu duni sai ema troka osan sira husi templu, kura ema moras iha loron santu, haklaken liafuan di’ak salvasaun nian no perdua salan sira. Reflete; Jesus de’it, Maromak Nia Oan no la iha tan profeta sira seluk nebé bele halo buat hotu nebé divina.

Pe. Philip Heng, S.J.

Jesus nia kbiit

23Tuir mai Nia tama iha templu. Nia hanorin dau-daun, amlulik boot sira no katuas sira povu nian hakbesik Nia hodi dehan: “Ho kbiit nebe mak o halo buat ne’e? Se mak fo ba o kbiit ida ne’e?” 24Jesus hatan ba sira: “Ha’u mos sei husu buat ida ba imi: imi hatan karik, Ha’u sei dehan ba imi ho kbiit nebe mak Ha’u halo buat ne’e. 25Joao nia baptismu mai housi nebe: housi lalehan, ka housi ema sira?” Maibe sira haksesuk malu dehan: “Ita hatan karik ‘Mai housi lalehan,’ Nia sei dehan mai ita: ‘ Ne’e duni, tansa imi la fiar nia?’ 26Maibe ita hatan karik ‘Mai housi ema, ita tauk ema lubun, basa ema hot-hotu fiar katak Joao profeta ida.” 27Ne’e duni, sira hatan ba Jesus: “Ami la hatene.” Nia dehan fali ba sira: “Ha’u mos sei la dehan ba imi ho kbiit nebe mak Ha’u halo ne’e.”