2ª Semana do Advento: Sesta-feira, loron 09 fulan Dezembru, 2022 December 9, 2022
Reflection on the WORD
Maluk sira mak Kristu hadomi,
Fiar - Fuan toos, delek: Iha evangelho ohin, Jesus hakfodak teb-tebes tanba ema lubun boot sira nia fuan toos no sira nia matan delek ba verdade salvasaun nian. Reflete; ita prefere moris superficial tuir mundu sekular nian maski la iha sentido, promesas mamuk no esperanca falso sira?
Pe. Philip Heng, S.J.
Mt 11:16-19
Ema hakribi Joao no mos Jesus
16“Ha’u sei tanesan ema derasaun ne’e nian ho se los? Sira hanesan labarik sira nebe tur iha prasa, koalia ba malu, 17dehan: ‘Ami toka flauta ba imi, imi la bidu; ami hananu babenon, imi la tanis.’ 18Joao Baptista mai, la han la hemu, sira dehan: ‘Nia iha diabu iha laran.’ 19Oan Mane mai, han hemu, sira dehan: ‘Nia kaanten, lanuten, publikanu no maksalak sira belun!’ Maibe matenek hatudu an lolos hodi ninia hahalok sira.”
Today's Pointers on God's Word
As you read the passage what words, phases or meanings caught your attention?
- · Jesus kompara jerasaun iha tempo agora ba grupu labarik sira nebé insatisfeito no rebelde; tanba Jesus ho João mai atu haklaken liafuan di’ak, maibé ema la responde ho sériu.
- · Jesus ko’alia neneik (murmura) no guia ita liu husi Nia Espírito nebé iha ita nia fuan no liu husi ema nebé hamutuk ho ita. Ita nia neon no laran nakloke ba Espírito Nia conselho ka ita husik ita nia pensamentos hodi domina ita an?
- · Liu husi Kristu Nia hanorin de’it mak ita nia moris no hahalok sira bele hetan lolos nia klosok no nia sentido. Ita consiente hodi buka Maromak Nia domin no verdade iha ita nia moris lor-loron no fahe ho ema seluk?